S.Toraıǵyrov atyndaǵy memlekettik ýnıversıtettiń oqytýshysy, professor Nazymbek Dúkenbaı uzaq jyldar boıy mektep oqýshylaryna, stýdentterge mýzyka páninen sabaq berdi.
Oblys ortalyǵyndaǵy B. Ahmetov atyndaǵy sol jyldardaǵy pedagogıkalyq ýchılıshesinde 30 jyldaı ustaz bolsa, «Stýdenttik halyq aspaptar orkestrine jetekshilik etti.
Mekteptiń bastaýysh synyptaryna arnalǵan avtorlyq balama baǵdarlamasyn jasady, osynyń negizinde oqý ádistemelik quraldar jazdy.
Sonymen birge «Balalarǵa arnalǵan ánder», «Balalarǵa bazarlyq», «Baldáýren» atty án jınaqtary men mýzykalyq-poezııalyq kitaptary jaryqqa shyqty.
«Balabaqsha balalary jáne bastaýysh synyp oqýshylaryna arnalǵan ánder», CD dısk, «Qazaq halqynyń ánshilik dástúri: sózdik, aýdarma jáne túsinikter» atty jınaqtary da bar.
Oblystyq «Saryarqa samaly» gazetinde «Kel, halaıyq, dombyra úıreneıik!» atty sabaqtar da ótkizdi.
Aqyn atamyz Muzaffar Álimbaev, S.Baıazıtov, Q.Smaǵul, M.Ámirjanovtardyń óleńderin tańdap, balalarǵa arnalǵan 200-den astam án jazdy.
-Mekteptiń bastaýysh synyptarynyń oqýshylaryna, balabaqsha balalaryna mýzyka pánin oqytý arqyly otandy súıýge, týǵan jerge, elge, jerge, tilge degen patrıottyq sezimdi oıata alamyz. Sol úshin de balalarǵa arnalǵan ánder kerek. Qazir ánder jınaǵyn kitapshasymen CD dıskisin paıdalanyp, án úıretken óte tıimdi bolar edi, deıdi sazger Nazymbek aǵa.
Nazymbek Dúkenbaı Astanadaǵy «Shabyt» ýnıversıtetinde qyzmet etetin qyzym Gúljanatpen birlesip «Mýzyka psıhologııasy», «Mýzykalyq bilim berý teorııasy» jáne «Pedagog-mýzykanttyń ádisnamalyq mádenıeti» degen kitaptar jazyp shyǵardy.
- Kitapqa jazylǵan ánniń notasyn, sózin keltiremin. Árbir kitap CD-dıskilermen qosa beriledi. Jergilikti sýretshilerdiń týyndylaryn kitapqa beriledi, deıdi sazger.
Sondaı-aq, ýnıversıtet ǵalymy Serik Elikbaımen birlesip «Qazaq handyǵy tarıhyna» arnalǵan mýzykalyq-poezııalyq toptama jazyldy.
Bul kúnderi jergilikti sazger Mádenıet qaıratkeri Nazymbek Dúkenbaı aǵamyz 70 jasqa toldy.
Búkil ǵumyryn án álemine, balalarǵa jigerli áýendi án syılap, óner aıdyny-mýzykaǵa arnady dese de bolady.
Farıda BYQAI,
«Egemen Qazaqstan»
PAVLODAR
Sýretti túsirgen Darhan Orazbekov