Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy eń tómen kúnkóris deńgeıiniń shamasy 2018 jylǵy jeltoqsanda 2017 jylǵy jeltoqsanmen salystyrǵanda 3,3%-ǵa joǵarylady. Bul týraly Statıstıka komıteti habarlady.
Onyń qurylymynda et pen balyqty satyp alýǵa jumsalǵan shyǵystardyń úlesi – 20,5%, sút, toń maı ónimderi men jumyrtqany – 16,3%, jemister men kókónisterdi – 8,3%, nan jáne jarma ónimderin – 7,6%, qant, shaı jáne dámdeýishterdi 2,3%-dy qurady.
Eń tómen kúnkóris deńgeıi – shamasy boıynsha eń tómen tutyný sebetiniń qunyna teń, bir adamǵa arnalǵan eń tómen aqshalaı kiris. Eń tómen tutyný sebeti adamnyń tynys-tirshiligin qamtamasyz etý úshin qajetti tamaq ónimderiniń, taýarlar men kórsetiletin ıstıka zattaı jáne qun túrindegi eń tómen jınaǵyn bildiredi. Ol azyq-túlik sebetinen jáne azyq-túlik emes taýarlar men kórsetiletin qyzmetterge jumsalatyn shyǵystardyń tirkelgen úlesinen turady. Eń tómen kúnkóris deńgeıin esepteýge arnalǵan az tutynylatyn azyq-túlik emes taýarlar men kórsetiletin qyzmetterge jumsalatyn shyǵystardyń úlesi 2018 jylǵy 1 qańtardan bastap eń tómengi tutyný sebeti qunynyń 45 paıyzdyq mólsherinde belgilengen.