Baǵa azyq-túlik taýarlaryna bir jylda (2018 jylǵy jeltoqsan 2017 jylǵy jeltoqsanǵa) 5,1%-ǵa ósti. Nan ónimderi jáne jarmalar, et, balyq jáne teńiz ónimderi, sút ónimderi, jumyrtqa, maı jáne tońmaı, qant, kondıterlik ónimder, alkogolsiz sýsyndar jáne alkogoldi ishimdikter qymbattady, al jemister men kókónister arzandady. Bul týraly Statıstıka komıteti habarlady.
Jarma ónimderi tobynda baǵanyń ár baǵytta ózgerýi belgilendi. 2018 jylǵy jeltoqsanda kúrishke ortasha baǵa kılogramyna 318 teńgeni, 2017 jylǵy jeltoqsanda – 291 teńgeni, al qaraqumyq jarmasyna tıisinshe 247 jáne 316 teńgeni qurady.
Qumshekerdiń ortasha baǵasy 2018 jylǵy jeltoqsanda kıllogramyna 243 teńgeni, 2017 jylǵy jeltoqsanda 202 teńgeni qurady.
2018 jylǵy jeltoqsanda kókónisterden kartopqa ortasha baǵa kılogramyna 86 teńgeni (2017 jylǵy jeltoqsanda – 117 teńge), aq qaýandy qyryqqabatqa – 101 teńgeni (78 teńge), basty pııazǵa – 77 teńgeni (94 teńge), sábizge 98 teńgeni (116 teńge) qurady.