Úndistannyń Hımachal-Pradesh shtatynda oqýshylarda mektepke apara jatqan avtobýs aýdarylyp, 7 adam qaza tapty, dep habarlaıdy QazAqparat NDTV arnasyna silteme jasap.
Oqıǵa tańǵy saǵat 8.00 shamasynda, shtat astanasy Shımladan 150 shaqyrym jerde oryn alǵan. Avtobýs balalardy Sangra qalashyǵyndaǵy DAV memlekettik mektebine apara jatyp, quzǵa qulap ketken. Saldarynan 7 adam - 6 oqýshy, bir júrgizýshi kóz jumdy. 12 bala jaraqat alyp, aýrýhanaǵa jetkizildi. Polıseılerdiń aıtýynsha, keı balalardyń jaǵdaıy asa aýyr.
Aldyn ala boljam boıynsha, apatqa 40 jastaǵy júrgizýshiniń uqypsyzdyǵy sebep bolǵan.
Foto: Getty Images