2018 jyly qalada 4,4 myń orynǵa laıyqtalǵan 4 mektep ashyldy. Al bıylǵy jyly 8 mekteptiń alǵashqy qońyraýy soǵylmaq, dep habarlaıdy elorda ákimdiginiń resmı saıty.
Qazirgi tańda Astanada 8700 orynǵa arnalǵan segiz mektep pen mektepke japsarlas ǵımarattyń jáne bir kolledjdiń qurylysy júrgizilip jatyr.
Budan bólek, memlekettik jekemenshik áriptestik (MJÁ) kelisim-sharttarynyń aıasynda ulttyq kompanııalardyń esebinen 480 orynǵa arnalǵan eki balabaqshanyń, 720 orynǵa arnalǵan taǵy da eki balabaqshanyń qurylysy júrgizilýde. Sonymen qatar, balalardy mektepke deıingi bilimmen qamtýǵa qatysty jaǵdaı jaqsara túsýde.
Eger 3-6 jas aralyǵyndaǵy balalardy mektepke deıingi bilimmen qamtý kórsetkishi 2016 jyly 70,6%, 2017 jyly 78% qurasa, 2018 jyly ol 90% deıin ósken bolatyn. Bul rette jeke sektordy tartý sharalary mańyzdy ról atqardy. Ol qamtylǵan balalardyń jalpy sanynyń 30%-yn quraıdy.