Memleket basshysy Nursultan Nazarbaev qazaqstandyqtardy Rojdestvo merekesimen quttyqtady. Bul týraly Aqordanyń baspasóz qyzmeti habarlady.
Qymbatty otandastar!
Barsha pravoslav hrıstıandaryn Rojdestvo merekesimen quttyqtaımyn!
Bul – jaqsylyq pen ádildikti, jaqyn jandarǵa degen meıirim men súıispenshilikti dáripteıtin, joǵary gýmanıstik ıdealdarǵa degen senimdi nyǵaıtatyn meıram.
Qazaqstandyqtar bir-birin basty rýhanı merekelermen quttyqtaı otyryp, árkimge túsinikti jáne ár adamnyń janyna jaqyn adamı qundylyqtardyń tutastyǵyn tanytady.
Bizdiń azamattarymyz bárimizge ortaq beıbitshilik, birlik, konfessııaaralyq kelisim jáne basqa da kóptegen mańyzdy jetistikterimizdi maqtan ete alady.
Búginde túrli din ókilderi ózara túsinistikti nyǵaıtýǵa jáne qazirgi Qazaqstan qoǵamynyń turaqty damýyna eleýli úles qosýda.
Bárińizge shyn júrekten zor densaýlyq, baıandy baqyt, otbasylaryńyzǵa bereke tileımin!