Belgili ánshi Qytaıdyń Hunan TV telearnasynda bolatyn «Sýper daýys» mýzykalyq shoýynda qazylyq etedi. Bul týraly ánshi óziniń Instagram paraqshasynda málimdedi.
«Hýnan TV telearnasyndaǵy «Sýper daýys» (Sýper golos) jańa megajobasynyń fınaldyq túsirilimine jınalýdamyz. Onda bilimdi vokal sheberleri baq synaıdy. Men ádilqazylar quramyndamyn. Barlyq qatysýshylarǵa sáttilik», dep jazdy ánshi.
Aıta ketsek, Dımash Qudaıbergen jýyrda ǵana ótken jyldyń eń kelbetti tulǵalarynyń tizimine endi.
Odan bólek, ánshi «The Silk Road Cohesion Awards 2018» halyqaralyq sharasynda «Jyl ánshisi» ári «Uly Jibek jolynyń mádenı elshisi» atandy.