KHDR basshysy Kım Chen Yn Qytaı kóshbasshysy Sı Szınpınniń shaqyrýymen Phenıan men Vashıngton kóshbasshylary arasyndaǵy ekinshi sammıtti uıymdastyrý jónindegi máseleler aıasynda Qytaıǵa resmı saparmen keldi dep habarlaıdy Yonhap aqparat agenttigi.
Sapar 10 qańtarǵa deıin jalǵasady.
Kım Chen Ynnyń Qytaıǵa sapary osyǵan deıin qupııa boldy. Tek 7 qańtar kúni keshkisin ǵana BAQ Soltústik Koreıanyń joǵary laýazymdy adamy bar poıyz Dandýn shekaralyq qalasy arqyly ótkenin habarlady. Habarlamada aıtylǵandaı, buǵan deıin KHDR qaýipsizdik qyzmetiniń ondaǵan kóligi shekaralyq qala vokzalyna aparatyn joldardy jaýyp tastaǵan.
Bul sapar Vashıngtonnyń skeptızmi saldarynan Phenıannyń ıadrolyq qarýdan bas tartýyna baılanysty tyǵyryqqa túsken AQSh pen KHDR arasyndaǵy kelissózderge yqpal etýi tıis dep habarlaıdy RT.
Bul - Kım Chen Ynnyń Qytaıǵa jasaǵan tórtinshi sapary. Alǵash ret onyń halyqaralyq sapary 2018 jyldyń naýryz aıynda bolsa, sońǵy ret 19 maýsymda barǵan.