О́ńirde 250 myńnan astam adam turatyn 396 eldi meken taza sýmen qamtylǵan.
«Bul maqsat úshin respýblıkalyq qazynadan 5,3 mıllıard teńge jumsaldy. Atqarylǵan sharalarǵa qaramastan 286 aýyl ortalyqtandyrylǵan sý júıesine zárý. Osy tapshylyqty joıý úshin bıyl 9,4 mıllıard teńge bólinip otyr» deıdi Energetıka jáne turǵyn úı-kommýnaldyq sharýashylyq basqarmasy basshysynyń orynbasary Azamat Eleýsizov.
Byltyr 10 aýdanǵa sapaly tirshilik nárimen qamtamasyz etý nysandary tartylsa, aıyrtaýlyqtar úshin de nátıjeli boldy. Atap aıtqanda, aýdan ortalyǵy Saýmalkóldiń teń jartysyna ortalyqtandyrylǵan sý júıesi tartyldy. Jyl sońyna deıin aýyldaǵy úılerdiń barlyǵyna taza aýyz sý kirgizilmek.
Turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń jetekshisi Maratbek Shámenovtyń aıtýynsha, Egindiaǵash, Qaratal aýyldarynyń turǵyndary da sapaly aýyz sýǵa qol jetkizetin bolady.
О́mir ESQALI,
«Egemen Qazaqstan»
Soltústik Qazaqstan oblysy