«Qaıyrymdylyq kerýeni» jolǵa shyqty

Aksııa aıasynda «dostyq das­tarqanyna» jınalǵan túrli etnos ókilderiniń aqsaqaldary men el aǵalary Astanadaǵy «Qo­ǵamdyq kelisim» úıinde bas qosty. Jınalǵan qonaqtar úshin qazaq halqynyń salt-dás­túrinen kórinister qoıyldy. Aq jaýlyqty ájeler «Besikke sa­lý», «Tusaý kesý» rásimderin áýez­di ánmen árlep, sahnalyq qo­ıylym usyndy. Munyń bári respýblıkalyq «Sarqyt» qaıy­rymdylyq aksııasyna kelýshi­ler­diń kóńil kúıin kóterip, ulttyq qundylyqtarymyzdy dáripteý úshin jasalyp otyr. Shara barysynda «Sarqyt» sóziniń mán-mańyzy men ma­ǵy­nasy jaıly aıtylyp, qaıyrym­dylyq sharaǵa negiz bolý sebe­bi túsindirildi. So­dan soń QHA-nyń «Jańǵyrý jo­ly» repýb­lıkalyq jastar qoz­ǵalysynyń bel­sendileri kómekke muqtaj otba­sylarǵa sarqyt re­tinde azyq-túlik dorbalaryn taratty. Aı­ta ketý kerek, bul aksııa jyl boıy elimizdiń ár óńirinde jalǵa­satyn bolady. Assambleıa múshe­leriniń aıtýynsha, mundaı jumystardyń nátıjesi jaqsy.

– Osy joba aıasynda 2018 jyl­dyń ózinde 8 700 is-shara uıym­­­dastyrylyp, 2,5 mlrd teńge kó­­leminde 400 myńnan astam adamǵa kómek kórsetildi. 2017-2018 jyldar aralyǵynda QHA-nyń «Jomart jan» tósbelgisimen 78 demeýshi marapattaldy. Al bú­­gin­gi aksııa 2019 jyldaǵy al­ǵash­qy uıymdastyrylyp otyrǵan is-sharamyz. Mundaı jańa for­mat­taǵy júıeli qaıyrymdylyq jo­ba­sy buǵan deıin Atyraý qala­synda ótken mesenattar sezinde qa­byl­danǵan bolatyn, – deıdi QHA Tór­aǵasynyń orynbasary L.Pro­ko­penko.

Jyl boıy ár aıda ártúrli ataý­men elimizdiń barlyq qala­lar­yndaǵy Dostyq úıleri bazasynda dál osy qaıyrymdylyq sharalary jalǵasady. Kúntizbede  áli de «Sybaǵa», «Shashý», «Asar», «Qamqor» sııaqty taǵy basqa ataýmen qaıyrymdylyq isi kezek kútip tur. Demek, elimizdegi jaǵdaıy tómen otbasylarǵa qol ushyn sozý múmkindigi úzdiksiz jalǵasa bermek.

Janbolat KENJEǴUL,

«Egemen Qazaqstan»