Bıyl Mańǵystaý oblysynda Jastar jylyna oraı 100 shara ótkiziledi. 3000 oryndyq jataqhana salynyp, 200 den astam jasqa úı alýǵa nesıe beriledi. Bul týraly Mańǵystaý oblysy «О́ńirlik Kommýnıkasııalar qyzmeti alańynda» júrgizilgen brıfıng barysynda Jastar saıasaty basqarmasy basshysy Baýyrjan Tuıaqov málim etti.
Brıfıng barysynda spıkerler «2019 - jastar jylynda» 100 naqty qadamdardan turatyn jol kartasynyń basymdyq beriletin baǵyttary boıynsha atqarylatyn jospardy jáne jelilik kestege sáıkes ımıdjdik sharalar boıynsha baıandady.
Mańǵystaý oblysy boıynsha búgingi tańda 14 pen 29 jas aralyǵynda 145 657 jas bar, bul jalpy oblys turǵyndarynyń 22,1% paıyzyn quraıdy. Qalalarda – 70 174, aýyldyq jerlerde 75 483 jas turady. Al, «Oblystyq jastar resýrstyq ortalyǵy» dırektory Dosan Jetkizgenniń aıtýy boıynsha, aımaqta 8 jastar resýrstyq ortalyǵy qyzmet atqarady, onyń ishinde 1-oblystyq jáne aýdan, qala deńgeıinde, 7 - «Jastardyń resýrstyq ortalyqtary» kommýnaldyq memlekettik mekemeleri. Sondaı-aq, spıker Mańǵystaýda tuńǵysh ret ashylǵan jastarǵa arnalǵan «Arman» kovorkıng ortalyǵy týraly da sóz etti.
Elbasynyń Jarlyǵymen 2019 jyl – «Jastar jyly» dep jarııalandy. Osy oraıda oblystyq jastar saıasaty máseleleri basqarmasy, barlyq basqarmalar men departamentter, qalalar men aýdandar ákimderimen birlese otyryp 2019 jylǵa arnalǵan jol kartasy aıasyndaǵy 100 naqty sharany iske asyrady. Atap aıtqanda aǵymdaǵy jyly: jyl basynda «Jastar jylynyń» ashylý rásimin uıymdastyryp, óńir jastaryna jobalardy tanystyrylady.
Onyń ishinde 2 iri halyqaralyq shara uıymdastyrý kózdelip otyr. Birinshi, tamyz aıynda Aqtaý sammıtiniń 1 jyldyǵy aıasynda Mańǵystaýǵa shekaralas memleket jastarynyń «Jastar dostyǵy – 2019» forýmy. Ekinshi halyqaralyq aýqymdy shara – Jastar marafony. Mamyr aıyna josparlanǵan sharaǵa tek Kaspıı mańy emes, dúnıejúzi elderinen nıettiler qatysa alady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy