Bul týraly Mańǵystaý oblysy «О́ńirlik kommýnıkasııa qyzmeti» alańynda júrgizilgen brıfıng barysynda Qaraqııa aýdanynyń ákimi Qydyrberdi Bekov málim etti.
Aýdanda avto joldardyń qurylysy men jóndeý jumystary boıynsha aǵymdaǵy, ortasha jóndeý jáne kútip ustaý jumystaryna barlyǵy 2018 jylǵa 52 mln 795,0 myń teńge qarajat bólindi. Onyń ishinde: kútip ustaý jumystaryna ýchastok №1-ge 31 mln 700 myń teńge, al ýchastok №2-ge 5 mln 400 myń teńge jumsaldy. Sonymen qatar, Jetibaı aýylishilik jolyna aǵymdaǵy jóndeý jumystaryna 15 mln 695 myń teńge jumsaldy. Jetibaı aýylyndaǵy jańa shaǵyn aýdandarynyń aýylishilik avtokólik joldarynyń qurylysyna 150,0 mln teńge qarjy bólindi.
Sonymen qatar «Quryq-Quryq porty» avtomobıl jolyn rekonstrýksııalaý» qurylys-montajdaý jumystarynyń quny 8 mlrd 570 mln 530 myń teńge. Qazirgi tańda atalǵan joldyń 22 shaqyrym jolyna asfalt tóseldi jáne temir jol ótpesi salyndy.
Sondaı-aq «Ata joly» avtomobıl jolyn rekonstrýksııalaý» qurylys-montajdaý jumystaryna 2018 jylǵa 1 mlrd teńge qarajat bólindi. Jalpy quny 5 mlrd 18 mln teńge. Tapsyrys berýshi Mańǵystaý oblysynyń jolaýshylar kóligi jáne avtomobıl joldar basqarmasy, bas merdiger mekeme «Aqjolqurylys» JShS-i. Qazirgi tańda atalǵan joldyń 21% joly aıaqtaldy. Nysannyń aıaqtalý merzimi 2019 jyldyń qarasha aıy.
- «Quryq-Jetibaı» avtojolyn jańartý jumysy kún tártibinde tur. Uzyndyǵy 64 shaqyrym bolatyn joldy qaıta jóndeýge 11 mlrd teńge qajet. Jobalyq smetalyq qujattamasy jasaqtaldy. Úkimet maquldap, respýblıka tarapynan qarjylandyrý sheshilse, bıyl jol qurylysyn bastap ketemiz dedi aýdan ákimi Q.Bekov.
Sondaı-aq, bıyl Quryq aýylyndaǵy ábden tozyǵy jetken 7 shaqyrym jol jóndeletin boldy. Al, Appaq, Munaıshy, Bostan aýyldaryndaǵy joldardy jóndeý úshin jobalyq smetalyq qujattamasyn jasaýǵa qarjy bólindi. Atalǵan jumystar aldaǵy jazda aıaqtalady. Aýdan ákiminiń aıtýynsha, bul aýyldar ishindegi barlyq joldy jóndeý múmkin emes, ol mol qarajatty talap etedi. Sondyqtan qatty tozǵan, júrýge jaramsyz bólikter aldymen jańartylmaq.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy