Kezdesý barysynda Memleket basshysyna elimizdiń syrtqy saıasatyn odan ári ekonomıkalandyra túsý jónindegi jumys jospary men mınıstrlik aldynda turǵan mindetterdiń oryndalýy týraly málimet usynyldy. Bul týraly Aqordanyń baspasóz qyzmeti habarlady.
Nursultan Nazarbaev elimizdiń syrtqy saıasatyn ekonomıkalandyrýdyń jáne syrtqy saıası baǵytymyzdy ári qaraı tıimdi júzege asyrýdyń mańyzdylyǵyna toqtaldy.
– Kún tártibindegi halyqaralyq máselelerdi de umytpaýymyz kerek. Syrtqy ister mınıstrliginiń mindeti – elimizdiń syrtqy saıasatyn jáne beıbitshilik pen tatý kórshilik saıasatyn belsendi júrgizý. Bastaǵan isimizdiń bárin odan ári jalǵastyrý qajet, – dedi Qazaqstan Prezıdenti.
Beıbit Atamqulov Memleket basshysyna ınvestısııalyq jobalardy ilgeriletý jumystaryna júrgizilgen taldaý nátıjeleri men mınıstrliktiń ortalyq apparatynyń qyzmetin qaıta túzý máseleleri jóninde málimdedi.
Syrtqy ister mınıstri Qazaqstannyń dıplomatııalyq mıssııalaryn syrtqy saıasatty ekonomıkalandyrý jónindegi jańa mindetterge sáıkes jumystarǵa beıimdeý úshin qabyldanǵan sharalar týraly baıandady, sondaı-aq el eksportynyń baǵyttaryn qaıta qarastyrý úderisi jóninde aıtty.
Elbasy kezdesý qorytyndysy boıynsha birqatar naqty tapsyrma berdi.