Kókpardan kezekti Álem Chempıonaty 2019 jyldyń qarasha aıynda ózbek elinde ótedi. Bul týraly Tashkentte bolǵan kókpar federasııalarynyń halyqaralyq jıynynda aıtyldy.
Kongreske Qazaqstan, О́zbekstan, Tájikstan, Mońǵolııa, Qyrǵyzstan, Reseı, Aýǵanstan, AQSh, jalpy jıyny segiz eldiń ókilderi atalmysh básekege qatysty oı-pikirlerin ortaǵa salyp, Kókpardan II Álem chempıonatyna daıyndyq jumystaryn pysyqtady.
Jıynǵa qatysýshylardyń hattamaǵa túsken ortaq sheshimi boıynsha, jarystyń erejelerin naqtylaýǵa arnalǵan kezekti Kongress Astanada ótetin bolyp bekitildi.
Eske sala keteıik, 2017 jyly «EKSPO-2017» kórmesi aıasynda kókpardan tuńǵysh Álem chempıonaty Túrki halyqtarynyń dástúrli sport túrleri halyqaralyq Qaýymdastyǵynyń uıymdastyrýymen Astana qalasynda ótken edi. Mártebeli jarysqa AQSh, Qyrǵyzstan, О́zbekstan, Túrkııa, Reseı, Tájikstan, Qytaı, Mońǵolııa, Aýǵanstan, Vengrııa jáne óz elimizdiń kókparshylary qatysty.
Jalpy júlde qory 18 mıllıon teńgeni quraǵan I Álem chempıonatynyń aqtyq synynda Qazaqstan qurama komandasy aıyr qalpaqty aǵaıyndardy 3:1 esebimen jeńip, Álem chempıony atanǵan edi.