QHR Tóraǵasy Sı Szınpın men Soltústik Koreıanyń kóshbasshysy Kım Chen Yn ekijaqty qarym-qatynasty úzdiksiz damytýǵa jáne halyqaralyq damýǵa oń úles qosýǵa kelisti, dep habarlady Qytaı SIM.
Kım Chen Yn Sı Szınpınniń shaqyrýy boıynsha 7-10 qańtarda Qytaıǵa keldi. Bul - soltústikkoreıalyq kóshbasshynyń bir jylǵa jetpeıtin ýaqyt ishindegi Qytaıǵa bolǵan tórtinshi sapary.
«Taraptar Qytaı men KHDR qarym-qatynasynyń úzdiksiz damýy úshin birlesip jumys jasaýǵa, Koreı túbeginiń máselelerin saıası retteýdi ilgeriletýge, sondaı-aq óńirdegi jáne álemdegi turaqtylyq pen beıbitshilikti qoldaýǵa daıyn ekendikterin bildirdi», - delingen habarlamada.
«8 qańtarda Búkilhalyqtyq jınalys úıinde ótken kelissózder barysynda taraptar ekijaqty qarym-qatynas jáne ózara qyzyǵýshylyq týdyratyn máseleler boıynsha pikir almasyp, mańyzdy kelisimge qol jetkizdi», dep habarlaıdy SIM.
Keıin Sı Szınpın, Qytaıdyń birinshi hanymy jáne Kım Chen Yn jubaıymen konsert tamashalady.
9 qańtar kúni tańerteń Sı Szınpın «Pekın» qonaq úıinde Kım Chen Ynmen kezdesti. Kelissózderden keıin soltústikkoreıalyq qonaqtar úshin Qytaı kóshbasshysy men onyń zaıyby atynan túski as daıyndaldy. Sársenbi kúni Kım Chen Yn farmasevtıkalyq kompanııa zaýytyna baryp, dástúrli qytaı medısınasyndaǵy dári-dármek óndirisimen tanysty.