Atalmysh aýdan boıynsha jumys istep turǵan shaǵyn jáne orta bıznes ókilderiniń sany ótken jylǵa qaraǵanda birshama kóbeıgen. Jospar – 2293 bolsa, nátıje – 2373 sýbektini quraǵan.
О́tken jyldyń osy kezeńmen salystyrǵanda bul kórsetkish 106,1% óskendigin baıqaýǵa bolady. Olardyń ishinde - zańdy tulǵalar 107 (2017 jyly 92 nemese 116,3%), dara kásipkerler – 1734 (2017 jyly 1586 nemese 108,9%), sharýa qojalyqtary – 438 (2017 jyly 390 nemese 115,1%). Bul kórsetkish tolyqtaı oryndaldy. Sondaı-aq, aýdannyń kásipkerlik salasyna tyń bastama alyp kelip jatqan kásip ıeleri de bar eken. Máselen, alty kásipker aýlaýǵa tyıym salynbaǵan balyqtardy (kefal, sýdak t,b) aýlaý úshin arnaıy ruqsat alyp, aýdan halqyn balyq ónimderimen qamtyp otyr.
Sonymen qatar, Qaraqııa aýdanynda buqaralyq sportpen aınalysatyndar sany 9 paıyzǵa ósken. Mádenıet jáne sport salasy boıynsha 2018 jylda aýdan kóleminde memlekettik merekeleri men ataýly kúnderge oraılastyrylǵan 324 mádenı, 107 sporttyq sharalary uıymdastyryldy. Jalpy aýdan boıynsha mádenı 64 klýbtyq kurylym bar, aýdannyń sport mektepterinde 54 topta 832 bala sportpen shuǵyldanady.
Osy jyly 1-sportshy Qazaqstan Respýblıkasynyń sport sheberi, 71-sportshy Qazaqstan Respýblıkasynyń sport sheberine úmitker normatıvin oryndaǵan. Buqaralyq sportpen 14942 turǵyn shuǵyldanady, ol jalpy aýdan halqynyń 39,9 % qurap otyr. О́tken jylǵa salystarǵanda 8,9% ósken.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy