Ústimizdegi jyly aýdanda jańa qus fabrıkasy salynady. Qazirgi kúni fabrıka salynatyn jer telimi anyqtalyp, jobalyq-smetalyq qujattamalary daıyndalýda.
Nysandy kóktemge qaraı Atbasar qalasy shetindegi dıirmen keshenderiniń janynda salady. Alǵashynda 50 myń taýyq bolsa, keıin onyń sany 100 myńǵa deıin jetkizilmek. Jospar júzege asqan kezde oblystyń batys betkeıinde ornalasqan aýdandar jergilikti qus etimen qamtamasyz etiledi. Ázirge bul aýdandardyń sórelerinde shetelden jetkizilgen, sapasy kúmándi, baǵasy qymbat qus eti siresip tur. Kásiporyn iske qosylǵannan keıin ımporttyq azyq-túlikterdi yǵystyrady degen úmit bar. Sonymen qatar, kásiporynnyń iske qosylý jergilikti 30 adamdy jumyspen qamtýǵa múmkindik bermek.
Baıqal BAIÁDIL,
«Egemen Qazaqstan»
Atbasar aýdany,
Aqmola oblysy.