2018-2019 oqý jyly oblys boıynsha barlyǵy 560 jalpy bilim berý mekemesi tirkelgen. Onyń 555-i jergilikti atqarýshy organdardyń basqarýynda bolsa, beseýi oblystyq mektep-ınternat. Qazirgi tańda 555 mekteptiń 479-ynda nemese 86,3 paıyzynda ǵana ystyq tamaq berý uıymdastyrylǵan.
Bir ókinishtisi, Astrahan, Aqkól, Bulandy, Býrabaı jáne Zerendi aýdandarynda jergilikti atqarýshy bılik az qamtamasyz etilgen otbasylarynyń balalaryn ǵana ystyq tamaqpen qamtamasyz etip otyr. Al jalpy bul jaıdyń osy aýdandarda durys uıymdastyrylmaı otyrǵandyǵyn aıta ketýge tıistimiz.
О́tken jyly Kókshetaý qalasyndaǵy mektepterde bir oqýshynyń tamaqtanýyna táýligine 172 teńge jumsasa, 2019-2021 jyldarǵa arnalǵan bıýdjetinde bul somma 235 teńge bolyp bekitildi. Qazaqstan Respýblıkasynyń Bilim jáne ǵylym mınıstrliginiń 2017 jylǵy 22 aqpandaǵy №76 buıryǵyna sáıkes qala mektepterinde ata-analar komıtetiniń, bilim mekemeleriniń basshylary jáne medısınalyq uıymdardyń qyzmetkerleriniń qatysýymen taǵam sapasyna monıtorıng júrgizip otyratyn arnaıy komıssııa qurylyp, jumys isteýde. Buǵan qosa, bilim berý bóliminiń janynan vedomstvoaralyq sarapshy top quryldy. Bul top ótken jyldyń qazan jáne jeltoqsan aılarynda oblys ortalyǵyndaǵy №2, №3, №4, №5 jáne №8 orta mektepterde taǵam sapasyna baılanysty tekseris júrgizip, mektep saıttarynda as máziri men eseptiń joqtyǵyn anyqtap, birqatar eskertý jasady.
Baıqal BAIÁDIL,
«Egemen Qazaqstan»
Aqmola oblysy