Qyzylorda qalasy Aqsýat aýyldyq okrýgine qarasty Naýryz saıajaıyndaǵy turǵyn úıden órt shyǵyp, úsh bala ıis tıip qaza boldy.
Oblystyq jumyldyrý daıyndyǵy basqarmasynyń málimetine sáıkes, 2019 jyldyń 9 qańtar kúni 19 saǵat 29 mınýt shamasynda Qyzylorda qalasy, Naýryz saıajaıy, Mahmutov kóshesindegi úıde órt shyqqan.
Úı ıesi Qulmaǵambetov Jasulan Tursynbekuly Atyraý qalasynda vahtalyq ádispen jumys isteıdi eken.
Oqıǵa saldarynan atalǵan úıdiń turǵyndary 2011 jyly týylǵan Tursynbek Aldııar, 2012 jylǵy Tursynbek Alınur oblystyq jedel-járdem stansasynyń top jasaǵy oqıǵa ornyna jetkenge deıin, al 2014 jylǵy Tursynbek Abzal oblystyq balalar aýrýhanasyna jetkizý jolynda qaıtys boldy. Úsh jasóspirim de ókpe isinýi jáne kómirtek totyǵynan aýyr dárejeli ýlanýdan kóz jumdy.
Sonymen qatar, órtten balardy arashalaýǵa kelgen aǵaıyndary Aıtbaev Nartaı jáne Jyltyrova Gúlnur oqıǵa ornynan balalardy alyp shyǵyp, ártúrli dene jaraqattarymen oblystyq medısına ortalyǵyna jetkizildi.
N.Aıtbaev jansaqtaý bólimine jatqyzyldy. Al, G.Jyltyrova dárigerlik kómek alyp úıine qaıtaryldy. Eki zardap shegýshige de «Kómirqyshqyl gazynan aýyr dárejedegi ýlaný» dıagnozy qoıylǵan.
О́rt jarty saǵatta óshirildi. Zardap shekken otbasyǵa jergilikti bılik barlyq kómekti uıymdastyrmaq.
Baqtııar TAIJAN,
«Egemen Qazaqstan»
Qyzylorda oblysy