Elbasy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda «Jastar men otbasy ınstıtýtyn keshendi qoldaý memlekettik saıasattyń basymdyǵyna aınalýǵa tıis.
Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek. Kelesi jyldy Jastar jyly dep jarııalaýdy usynamyn. Biz aýyldyq jerlerdiń áleýmettik ortasyn jańǵyrtýǵa kirisýimiz kerek» degen bolatyn. Prezıdenttiń bul bastamasy elimizdegi kóptegen jastardyń bolashaqqa degen úmiti men senimin oıatqany anyq.
Jastar jyly aıasynda Jambyl oblysynda birqatar jobalar qolǵa alynatyn bolady. Oblystyq jastar saıasaty máseleleri basqarmasynyń basshysy Mádı Mátenniń aıtýynsha, jastardy qoldaý maqsatynda ótken jyly 574,6 mıllıon teńge qaralǵan bolsa, bul maqsatqa 2019 jyly 638,7 mıllıon teńge josparlanyp otyr eken. Sonymen qatar, Jambyl oblysyn 2016-2020 jylǵa deıin damytý baǵdarlamasynda jastar saıasatyna qatysty 2 ındıkatorlyq kórsetkish belgilengen. Birinshi kórsetkish, «Jastardyń jalpy sanyndaǵy esh jerde oqymaıtyn, esh jerde jumys istemeıtin NEET jastar kórsetkishiniń oblystyq jyldyq josparyn 8,5 paıyzǵa azaıtý bolyp otyr. О́tken jyldyń úshinshi toqsanyndaǵy jaǵdaı boıynsha bul kórsetkish 8,1 paıyzdy quraǵan. Al «О́ńir jastarynyń memlekettik jastar saıasatyna qanaǵattaný deńgeıi» ótken jyl boıynsha josparly 73 paıyzdyq meje bolsa, áleýmettik zertteýler boıynsha ol 77,8 paıyzdy kórsetken.
Hamıt ESAMAN,
«Egemen Qazaqstan»
Jambyl oblysy