Dárigerler derttiń beleń ala bastaǵanyn sońǵy kezde baıqaǵan. Naqty derekterge súıensek, 49 oqıǵa tirkelgen. Onyń 27-si Sandyqtaý aýdanynyń enshisinde.
О́ńirdegi Qoǵamdyq densaýlyq saqtaý departamentiniń mamandary aýrýdyń beleń alýyna balalardyń qyzylshaǵa qarsy ekpeni almaýy sebepshi deıdi.
– 22 oqıǵa ekpe almaǵan bir jasqa deıingi balalardyń arasynda týyndap otyr. Bes bala medısınalyq saraptamaǵa oraı, al 8-i densaýlyq jaǵdaıyna jáne ata-anasynyń bas tartýyna baılanysty ekpe almaǵan,– deıdi oblystyq qoǵamdyq densaýlyq saqtaý departamentiniń bólim jetekshisi Ásem Tóleýbaeva.
Qazirgi tańda 27 emdelýshi úıine jiberildi. 22 bala qyzylshaǵa qarsy ekpe alyp jatyr. Dárigerlerdiń aıtýyna qaraǵanda, olardyń jaǵdaıy ortasha. Qazir barlyq emdelýshiler stasıonarlyq em qabyldaýda. Dertke shaldyqqandarmen baılanysqandarǵa baqylaý jasalyp jatyr. Aýrý oshaǵynda ekpe salý sharalary júrgizildi. Qyzylshany aldyn alýdyń eń basty joly dál osy vaksınasııa. Dárigerlerdiń paıymdaýynsha, barlyq ata-ana mindetti túrde balalaryna ekpe saldyrtýlary qajet. Jaratqannyń ózi «saqtansań, saqtaımyn» degen.
Baıqal BAIÁDIL,
«Egemen Qazaqstan»
Aqmola oblysy