Qarabalyq aýdanyndaǵy Svıatoslav selosynda turatyn múmkindigi shekteýli ǵarip jan Dáýlet Baıyrov etten jeńsik as daıyndaıtyn seh úshin et súrleıtin jabdyq pen vakýýmatordy memlekettik granttyń arqasynda aldy. Dáýlettiń alǵa qoıyp otyrǵan jospary aýqymdy. О́ıtkeni kásipker bolashaqta óziniń ónimin eksportqa shyǵarýdy da oılastyryp otyr.
Bıznespen aınalysý týraly oı Dáýletke óziniń ómiri oılamaǵan jerden ózgergende ǵana keldi. Júrgizýshi bolyp jumys isteıtin ol múgedek bolyp qalǵan soń, úıde qarap otyrý aýyr tıetinin sezindi.
«Men sekildi P toptaǵy múgedek janǵa bankterdiń nesıe bere qoıýy qıyn. Al «Bastaý» baǵdarlamasynyń kýrsy maǵan kásipkerliktiń álippesin ǵana úıretip qoıǵan joq, grant alýǵa da múmkindik berdi. Meniń jasaǵan jobamdy 240500 teńgege baǵalady» deıdi Dáýlet.
Ol jabdyqty Almaty qalasynan alyp keldi. Mal sharýashylyǵy aýdanda damyǵan. Súrleıtin et jaqynnan tabylady. Ol aldaǵy ýaqytta jabyq sıkldy óndiris uıymdastyrǵysy keledi.
«Kóktemde 50 qazdyń balapanyn satyp alamyn. Súrlengen qaz eti - óte jeńsik as. Ary qaraı ýaqyt kórsetedi. Negizi, tek qazdyń eti ǵana emes, jal, jaıa, shoshqa maıy, barlyǵy da jaqsy súrlenedi. Súr ettiń dámdi as ekenin halqymyz jaqsy biledi. Sosyn ony kim súısinip jemeıdi deısiz, shirkin (jymııady)? Qolymyz júrgennen keıin ónim túrlerin kóbeıtemiz» deıdi Dáýlet.
Bolashaq kásipker ónimin ótkizýdiń de qıyndyǵy bola qoımas dep biledi. О́ıtkeni aýdanda mundaı ónim túrin óndiretin balama seh áli joq. Eń bastysy, Dáýlet súrleýge eshqandaı «hımııa» qoldanbaıtyn bolady, taza ekologııalyq ónim usynady.
Názıra JÁRIMBET,
«Egemen Qazaqstan»
Qostanaı