Jańaqorǵan aýdanynda «Jańaqorǵan jastary jarqyn bolashaqqa» degen atpen aýdan jastarynyń forýmy ótti.
Forýmǵa «IýNESKO»-nyń Qazaqstandaǵy vıse-prezıdenti Ǵanı Bısenbaev, Túrkistan oblysy aýyl jastary odaǵynyń tóraıymy Sabıra Baızaqova, «Sodrýjestvo Qyzylorda» qoǵamdyq qorynyń áleýmettik-kásipkerlikti damytý jobasynyń jetekshisi Azamat Jappasov, «Jas Prodjekt» jobasynyń Qyzylorda oblysy boıynsha kardınanty Baıan Egizbaeva jáne Qyzylorda oblystyq jastar saıasaty basqarmasynyń basshysy Qýanysh Januzaqov qatysty. Sonymen qatar forýmǵa Túrkistan oblysy jáne Shıeli aýdanynan delegattar keldi.
Forýmǵa qatysqan aýdan ákimi Ǵalym Ámireev jastarǵa aldaǵy jylǵa sáttilik tiledi.
«2018 jyl aýdan jastary úshin tabysty jyl boldy. Ásirese, kásipkerlik salasyndaǵy jastardyń sany ósip, jumyssyzdyq deńgeıi azaıdy. Byltyrǵy jyldyń qorytyndysymen Jańaqorǵanda jas kásipkerlerdiń sany 530-ǵa jetti. О́tken jyly 247 jas jumyspen qamtyldy. Bıylǵy meje budan da bıikten kórinip, aýdannyń órkendeýine óz úlesterin qosý kerek. Biz jastarǵa senemiz, óıtkeni, jastar bizdiń bolashaǵymyz», – dedi aýdan ákimi.
Forýmǵa qatysýshy qonaqtar da tyń jobalarymen bólisip, óz oılaryn ortaǵa saldy.
Baqtııar TAIJAN,
«Egemen Qazaqstan»
Qyzylorda oblysy