Qazaqstan-Qytaı shekarasy 2 aqpannan bastap ýaqytsha jabylady. Shekaranyń jabylýy Qytaıdaǵy ulttyq mereke – jańa jyldyń toılanýymen baılanysty.
Qazaqstan-Qytaı shekarasy aqpan aıynda toǵyz kúnge jabylady, dep habarlaıdy QazTAG.
Shekara 2-10 aqpan aralyǵynda jabylady, dep naqtylady Ulttyq qaýipsizdik komıtetiniń Shekara qyzmetinde.
Shekaranyń jabylýy Qytaıda ulttyq kóktem merekesin (Qytaı Jańa jyl) toılaýmen baılanysty.
Qyrǵyz Respýblıkasynyń Shekara qyzmetiniń habarlaýynsha, qyrǵyz-qytaı shekarasy da jabylady.
Kóktem merekesi-qytaılyqtar úshin eń mańyzdy mereke, ony eki myń jyldan astam ýaqyttan beri atap ótedi.
Bıyl merekeni toılaý 5 aqpanǵa belgilenedi.