Beısenbi, 11 qazan 2012 7:12
Nevrologııa medısınadaǵy kúrdeli salanyń birinen sanalady. Júıke aýrýlarynyń kún sanap ósip, kúrdelenip otyrǵanyn ómirdiń ózi de, dárigerlik zertteýler de dáleldep otyr. Eń ókinishtisi, júıke aýrýlarynyń jasaryp bara jatqandyǵy. Almatyda Almaty memlekettik dárigerler bilimin jetildirý ınstıtýtynyń nevrologııa kafedrasy (AMDBJI),
Nevrologııanyń ózekti máseleleriBeısenbi, 11 qazan 2012 7:12
Nevrologııa medısınadaǵy kúrdeli salanyń birinen sanalady. Júıke aýrýlarynyń kún sanap ósip, kúrdelenip otyrǵanyn ómirdiń ózi de, dárigerlik zertteýler de dáleldep otyr. Eń ókinishtisi, júıke aýrýlarynyń jasaryp bara jatqandyǵy. Almatyda Almaty memlekettik dárigerler bilimin jetildirý ınstıtýtynyń nevrologııa kafedrasy (AMDBJI), S.J.Asfendııarov atyndaǵy Qazaq ulttyq medısına ýnıversıtetiniń júıke aýrýlary kafedrasy jáne «Smaǵul Qaıshybaev atyndaǵy nevrologııa ınstıtýty» ǵylymı-tájirıbelik ortalyǵynyń uıymdastyrýymen ótken «Nevrologııanyń ózekti máseleleri» atty halyqaralyq II ǵylymı-tájirıbelik konferensııada nevrologııanyń túıindi máseleleri keńinen talqylandy.
Qazaqstan nevrologtary ǵylymı mektebiniń negizin salýshy kórnekti ǵalym, Qazaqstannyń eńbek sińirgen qaıratkeri, medısına ǵylymdarynyń doktory, professor Smaǵul Qaıshybaevtyń týǵan kúnine oraılastyrylyp jyl saıyn ótkiziletin dástúrli jıyn qonaqtardyń quttyqtaý sózimen ashyldy.– Maǵan sizderdiń aralaryńyzda bolý – úlken mártebe, – dedi konferensııa jumysyna sáttilik tilegen Latvııa Ǵylym akademııasynyń organıkalyq sıntez ınstıtýtynyń dırektory, akademık, I.Kalvınsh. – О́ıtkeni, qazaqstandyq kardıolog, nevrologtardy kópten jaqsy bilemin. Ári sizderdiń mektepterińiz óte myqty. Instıtýtymyz jaıly aıtar bolsaq, Keńes Odaǵy kezinde eki eldiń medısına qaýymdastyǵy qoıan-qoltyq aralasyp, yntymaqtasa jumys istegen edik. Ol kezde dárihanalarǵa túsetin árbir tórtinshi dári bizde daıyndalatyn. Búginde sol baılanysymyz qaıta jandanyp keledi.Reseı nevrologtary qaýymdastyǵy atynan akademık, E.I.Gýsevtiń ystyq sálemin jetkizgen RMMÝ emdeý fakýltetiniń nevrologııa jáne neırohırýrgııa kafedrasynyń professory E.Chýkanova, t.b. jıynnyń tabysty ótýine tilek bildirdi.– Jalpy konferensııany ótkizýdegi basty maqsat, – deıdi AMDBJI nevrologııa kafedrasynyń meńgerýshisi, «S.Qaıshybaev atyndaǵy nevrologııa ınstıtýty» ǴTO dırektory, medısına ǵylymdarynyń doktory, professor N.Qaıshybaev, – ol tájirıbe, bilim almasý, osy kezeń aralyǵynda qol jetkizgen jetistikterimizben bólisý. Ekinshiden, ol jas dárigerlerimizdi, áriptesterimizdi, kýrsanttar men rezıdentterimizdi oqytý. Olaı deıtinimiz, kýrsanttar úshin professorlarmen ınteraktıvtik pikir almasýǵa mundaı múmkindikter bola bermeıdi. Ár forým, ár konferensııada olar da, dárigerler de álemdik medısınanyń damýynan, ilgerileýinen kóp habardar bolar edi. Nevrologııada ózekti máseleler jetkilikti, búgingi konferensııada qaralyp otyrǵany sonyń bir bólshegi ǵana.Úsh kúnge sozylyp, 300 delegat qatysqan keleli keńestiń kún tártibine engizilgen máseleler tórt blokqa bólinip qaraldy. Olar Tranzıtorlyq ıshemııalyq soqqylar; dıagnostıkasy men em-domy; Mıdyń sozylmaly ıshemııasy. Zamanaýı emdeý baǵyttary; Nevrologııalyq buzylystardy anyqtaý men emdeýdiń zamanaýı tásilderi; XXI ǵasyr medısınasyndaǵy aýrý máselelerine dástúrli jáne balama kózqaras. Mine, osy taqyryptar boıynsha Semeı MMÝ nevrologııa, psıhıatrııa jáne narkologııa kafedrasynyń meńgerýshisi, medısına ǵylymdarynyń doktory, professor Talǵat Haıbýllın, Reseı medısına akademııasy dıplomnan keıingi bilim berýdiń nevrologııa kafedrasynyń meńgerýshisi Oleg Levın, N.A.Semashko atyndaǵy №38 qalalyq aýrýhananyń nevrologııalyq ońaltý bóliminiń meńgerýshisi Vıtalıı Kovalchýk (Sankt-Peterbýrg), belarýstik ǵalym, dıplomnan keıingi bilim berý medısınalyq akademııasy nevrologııa jáne neırohırýrgııa kafedrasynyń dosenti Krıstına Sadoha, Iаshı klınıkalyq ortalyǵy, nevrologııalyq ońaltý aýrýhanasynyń dırektory, professor Dıný Popeský (Rýmynııa), medısına ǵylymdarynyń doktory Vera Cherkasova (Reseı), t.b. qazaqstandyq ǵalymdar óz tájirıbelerimen bólisti.Gúlzeınep SÁDIRQYZY,«Egemen Qazaqstan».