Júrgizýshilerge joldyń jabyq bóligin aınalyp ótýge keńes beriledi dep habarlaıdy elorda ákimdiginiń resmı saıty.
«Arnasaı kóshesi men áýejaı termınalynyń burylysyna deıingi aralyqta jatqan Qabanbaı batyr dańǵylynyń bóligi 8 aqpannan jyl sońyna deıin jabyq bolady. Jol bóligi «Astana LRT» «Jańa kóliktik júıesi» jobasyn júzege asyrý aıasynda №229 kóshe men Qabanbaı batyr dańǵylynyń qıylysynda jol aıyryǵynyń qurylysyna baılanysty jabyq bolady», - dep málimdedi elordalyq Polısııa departamenti.
Qozǵalys jol belgileri men baǵdarshamdyq sıgnal jabdyǵy ornatylǵan, aınalyp ótetin jol arqyly uıymdastyrylatyn bolady.
Astana qalalyq Polısııa departamentiniń mamandary elorda turǵyndary men qonaqtaryn abaı bolyp, ýaqytsha keste boıynsha ornatylǵan jol belgilerin nazarǵa ala otyryp júrýdi suraıdy.
Bul ýchaskedegi jyldamdyq 40 km/saǵ. deıin shektelgen.