Astanada shaıbaly hokkeıden ótken III qysqy Jastar oıyndarynda Qaraǵandy oblysynyń qurama komandasy Astana qalasy men Shyǵys Qazaqstan oblysynyń ujymdaryn alǵa jiberip, júldeli úshinshi oryndy qanaǵat etti.
«Barys Arena» sport kesheniniń muz aıdynynda ótken týrnırde 2004-2005 jyldary týǵan jasóspirimder baq synady. Jarys barysynda kósh basyndaǵy komandalar birdeı upaı jınaǵan bolatyn. Biraq jeńimpaz ben júldegerler taǵdyryn komandalar úlesindegi shaıba aıyrmashylyǵy sheshti. Nátıjesinde, respýblıkalyq saıystyń úsh kezeńiniń qorytyndysy boıynsha qaraǵandylyq ujym qola júldege ıe boldy.
– Balǵyn hokkeıshilerimizdiń jeńiske degen jigerin atap ótý kerek. Biz joǵary básekelestik jaǵdaıynda kóshbasshylar úshtigine iligýdiń ońaıǵa soqpasyn jaqsy bildik. Degenmen, jigitter jarady! Sońyna deıin berispeı, nátıjesinde qola júldeger atandy. Balalardyń barlyǵy bizdiń mekteptiń tárbıelenýshileri. Tamasha tolqyn ósip keledi, – deıdi shaıbaly hokkeıden Qaraǵandy oblystyq balalar-jásóspirimder olımpııalyq rezerv mektebiniń basshysy Sergeı Býnıakın.
Alda – tórtinshi, sheshýshi kezeń.
Qaırat ÁBILDA,
«Egemen Qazaqstan»
Qaraǵandy