Juma, 5 qazan 2012 7:17
Qazaq elinen, qazaq jerinen baqyt tapqan ózge ult ókilderiniń arasynan, ásirese, jas býynnyń memlekettik tildi meńgerýge degen qulshynysy artyp keledi. Buǵan taıaýda Atyraýda «Dostyqtyń altyn kópiri» atty ózge ult ókilderiniń kórkem sóz oqý saıysynda jáne bir ret kózimiz jete tústi. Osy saıystyń ashylý saltanatynda Atyraý qalasy ákiminiń orynbasary Aıjan Qarabaeva «Qazirgi kezde kórkem sózdi mánerlep oqýǵa ózge ult ókilderiniń de yntasy arta túsýde»,– dedi.
Juma, 5 qazan 2012 7:17
Qazaq elinen, qazaq jerinen baqyt tapqan ózge ult ókilderiniń arasynan, ásirese, jas býynnyń memlekettik tildi meńgerýge degen qulshynysy artyp keledi. Buǵan taıaýda Atyraýda «Dostyqtyń altyn kópiri» atty ózge ult ókilderiniń kórkem sóz oqý saıysynda jáne bir ret kózimiz jete tústi. Osy saıystyń ashylý saltanatynda Atyraý qalasy ákiminiń orynbasary Aıjan Qarabaeva «Qazirgi kezde kórkem sózdi mánerlep oqýǵa ózge ult ókilderiniń de yntasy arta túsýde»,– dedi.
О́z tilinen jeringendeı bolyp júrgen keı qandastarymyzǵa úlgi bolarlyq bul saıysqa 8 úmitker qatysýǵa tilek bildiripti. Bári de joǵary jáne arnaýly orta oqý oryndarynda bilim alyp júrgender eken. О́zderiniń ana tilimen birge memlekettik tildi jetik meńgergenderin qazaq poezııasyn mánerlep oqý arqyly nasıhattaýda barynsha tanyta tústi. Olardyń kórkem sózdi mánerlep oqyǵanda qazaq tiliniń qunarynan qanyp ishkeni, jan-tánimen memlekettik tildiń órisin keńeıtýge umtylǵany baıqalyp-aq turǵan oń talabyn qazylar alqasy oryndy baǵalady.
Nátıjesinde qazaq topyraǵynda kindigi kesilgenin, qazaqshany ana tilindeı meńgergenin maqtanysh tutatyn, endi Qazaqstandaı Otanynyń álemdegi órkenıetti elder qatarynan oryn alýyna óz úlesin qosýdy maqsat etken túrik qyzy Jan Mýradovanyń kórkem sózdi mánerine keltire oqý sheberligi birinshi júldege laıyq dep tabyldy. Koreı ultynyń arýy Veronıka Lıdyń qazaq tiline, qazaq poezııasyna erekshe aýǵan ańsary ekinshi júldemen atalyp ótti. Al orystyń talapty boıjetkeni Olesıa Avdeeva bul joly úshinshi júldeni ıelendi. Sonymen birge, Vladımır Radımınovıchke qazaq tilin meńgerýge talpynysy úshin arnaıy dıplom berildi.
– О́zge ult ókilderi arasynda da qazaq tiliniń eń ádemi, oralymdy qanatty sózderin qoldanyp, maqaldap sóıleıtinderi az emes. Mine, sondaılardy kórgende tóbem kókke jetkendeı, marqaıyp turamyn. Elimizdiń ár túkpirindegi ózge ulttardyń mundaı talpynysy, talaby memlekettik tilimizdiń mártebesin bıik deńgeıge jetkeniniń dáleli, – deıdi ǵalym, aqyn Qadyr Júsip. – Memlekettik tildi bilý – elimizdegi birlikti, dostyqty nyǵaıtýǵa da serpin beredi.
Joldasbek ShО́PEǴUL,
«Egemen Qazaqstan».
Atyraý oblysy.