Burqasyn men qardyń qalyn túsýinen, qatty aıaz jaǵdaıynda áýereısteri men avtomobıl joldary jabylatyndyqtan, temirjolshylar qala mańy baǵyttardy qosa alǵanda, barlyq baǵyt boıynsha jolaýshylardy úzdiksiz tasymaldaýdy jalǵastyryp jatyr.
Temirjol tósenishin qardan arshý jónindegi jumystar úzilissiz júrgizilip keledi. О́tken táýlik ishinde temirjol jelilerinen 20 myń tekshe metr qar tazartyldy. Shamamen 3500 km temirjol tósenishi qardan arshyp alyndy. Bul jumystarǵa 2700 temirjolshy jumyldyryldy. Magıstraldyq jelilerge barlyq qartazartý jáne qardanarshý tehnıkalarymen 73 shyǵý júzege asyryldy. Semeı bólimshesi magıstraldyq jelisinde qardan tazartý úshin jol monterlerinen ózge, sondaı-aq kórshiles temirjol kásiporyndarynyń jumysshylary da tartyldy.
Lokomotıvter men vagondardy paıdalaný depolarynda júk jáne jolaýshylar poıyzdaryna tehnıkalyq qyzmet kórsetý barysyna baqylaý qatandatyldy.
Táýlik ishinde keıbir baǵyttar boıynsha jolaýshylar poıyzdaryna qosymsha 24 vagon tirkeý uıymdastyryldy.
Tótenshe jaǵdaılar týyndaǵan kezde temirjolshylar «Jolaýshylar tasymaly» AQ qurylymdyq bólimsheleri men kólik kompanııalary arasyndaǵy Keshendi ózara kómek jónindegi memorandým normalardy jáne Erejeni basshylyqqa alady. Budan basqa, shtattan tys jaǵdaılar týyndaǵan kezde TJ Basqarmasymen birlesken is-áreketter qabyldanady.
Aýa raıynyń qolaısyzdyǵyn esepke ala otyryp, temirjolshylar temirjol ınfraqurylym nysandarynda qaýipsizdik erejelerin qatań saqtaýǵa jáne barynsha abaı bolýǵa shaqyrady. Atap aıtqanda, temir joldardy arnaıy jasaqtalǵan oryndardan ótý kerek.