Almaty oblysynyń Eskeldi aýdany aýmaǵyndaǵy Shaja ózeninde qýattylyǵy 25,8 MVt bolatyn sý elektr stansasynyń qurylysy bastaldy.
О́tken jyldyń sońyńda bastalǵan jumys qazir qarqyndy júrip jatyr. Búginde stansa qyzmetkerlerine arnalǵan arnaıy qalashyqtyń irgesi qalandy.
- Shaja ózeninde ornalasqan GES qýattylyǵy 29 MVtqa jetedi dep otyrmyz. Jobanyń jalpy quny 9,3 mıllıard teńge shamasynda. Nátıjesinde 18 adamǵa turaqty jumys oryny ashyldy. Qazirgi ýaqytta stansııa qyzmetkerleriniń jumys isteýine arnalǵan qalashyqtyń qurylysy aıaqtalýǵa jaqyn, - deıdi Eskeldi aýdanynyń ákimi Baǵlan Tánekenov.
Jalpy ótken jyly Eskeldi aýdanyna 8 mlrd 14 mln teńge kóleminde ınvestısııa tartylǵan. Onyń ishinde jalpy somasy 11 mlrd.teńge bolatyn ınvestısııalyq jobalardy iske asyrý 4 memorandýmǵa qol qoıylypty. Shaja ózenine salynatyn sý elektr stansanyńy qurylysy sol kelisimniń nátıjesi. Qurylys aıaqtalyp, sýdan óndirilgen energııa aımaqtyń qýatqa degen suranysyn óteıtin bolady.
Qalmahanbet MUQAMETQALI,
«Egemen Qazaqstan»
Almaty oblysy