Men biletin Bolat

Senbi, 28 sáýir 2012 1:20

«Alyp anadan týady», degen jaqsy bir naqyl sóz bar. Qazaq halqy aqynǵa da, batyrǵa da, danaǵa da, kósemge de kende emes. Týǵan eliniń baǵyna týyp, búkil ómirin sol jolǵa arnaǵan ataqty adamdar qanshama?! Olar týraly aıtylyp ta, jazylyp ta júr. Halyq júreginen oryn alǵan mundaı jandar qashanda qurmetke laıyq. Meniń aıtpaǵym, qarapaıym qazaqtyń qara shańyraǵynda dúnıege kelip, jastaıynan kóptiń aýzyna ilikken, qatardaǵy jaýyngerden general-leıtenant dárejesine deıin jetken áskerı áriptesimiz ári dosymyz Bolat Baqytjanuly Janasaev týraly bolyp otyr.

Senbi, 28 sáýir 2012 1:20

«Alyp anadan týady», degen jaqsy bir naqyl sóz bar. Qazaq halqy aqynǵa da, batyrǵa da, danaǵa da, kósemge de kende emes. Týǵan eliniń baǵyna týyp, búkil ómirin sol jolǵa arnaǵan ataqty adamdar qanshama?! Olar týraly aıtylyp ta, jazylyp ta júr. Halyq júreginen oryn alǵan mundaı jandar qashanda qurmetke laıyq. Meniń aıtpaǵym, qarapaıym qazaqtyń qara shańyraǵynda dúnıege kelip, jastaıynan kóptiń aýzyna ilikken, qatardaǵy jaýyngerden general-leıtenant dárejesine deıin jetken áskerı áriptesimiz ári dosymyz Bolat Baqytjanuly Janasaev týraly bolyp otyr.

Jastyqtyń otyn jalyndatyp, únemi izdenis pen alǵa umtylǵan generaldyń ómir joly kimge de bolsyn úlgi-ónege. Ol aldyna qoıǵan maq­satyna jetý úshin Polıteh­nıkalyq ıns­tıtýttyń III kýrsynda júr­gen kezinde oqýdy tastap, qı­yn­shylyqtarǵa qa­ramastan, ás­kerı ýchılıshege túsip, áskerı salaǵa bet bur­dy. Bul – sol kez­degi árbir jastyń táýekelge bel býyp bara bermeıtin erek­shelikteriniń biri. Ol kezde ás­ker ataný, áskerı salany batyl meńgerý – kóptegen jastardyń armany edi. Sóıtip, boıdaǵy erik-jiger jas jigitti osyndaı asý-belesterdi baǵyndyrý úshin al­ǵa umtyldyrdy. Aqy­ry mundaı jigerlilik onyń boıynda komandırlik qasıetti qalyptastyrdy. Ýaqyt óte kele eń jas basshylardyń biri atanyp el aýzyna ilikti, kóp uzamaı general dárejesine jetti.

Áli esimde jasyndaı jar­qyl­daǵan Bolattyń boıynda­ǵy eldi sońyna erte biletin ko­man­dırlik qasıetti sonaý 70-jyldarda bildim. Keńes óki­metiniń dúrkirep turǵan kezeń­derinde biz oqyǵan ýchılıshege sol kezdegi Qazaqstan Kompartııasy Ortalyq Komıtetiniń bi­rinshi hatshysy Dinmuhammed Ahmet­uly Qonaev kelip, ýchılıshe kýrsanttarymen kezdesip, jaýynger kýrsanttardyń tur­mys-tirshi­li­gi­­men jan-jaqty tanysty. Pikir almasty, qor­da­lanǵan má­se­­­lelerdi ózine túrtip aldy. Só­zin qorytyndylap ketýge oqtala bere: «Qane, kimde qandaı suraq bar? – dep zalǵa kóz júgirtti. Dál sony kút­ken­deı: «Mende saýal bar edi», degen ashyq daýys sańq ete qaldy. Sóıtken jas kýr­sant Janasaev aty dardaı ýchı­lısheniń máde­nıet saraıy joq ekenin jáne de ýchılıshede oqı­tyn talantty jas­tardyń sa­baqtan bos ýa­qytta bir bas qo­satyn orynǵa zárý ekenin aıtty.

Osylaısha zalda otyrǵan kýrsanttardy ózine baýrap alǵan Bolattyń ótinishi dereý qolǵa alynyp, ýchılıshege záýlim Má­denıet saraıy tez arada tur­ǵyzyldy. О́ziniń talapshyldyǵy men iskerligin kórsete bilgen Bolat daralana tústi.

Áskerı boryshyn óteý – ár­bir azamattyń Otan aldyndaǵy paryzy. Muny jetik túsinetin Bolat Janasaevtyń ómir joly adam men tulǵa qalyptasýynyń ónegeli kórinisi bolyp tabylady. Jastaıynan áskerı ómirdiń qyr-syryn meńgergen Bolat ýchılısheden soń jas leıtenant sheninde áskerı ómirin Ger­manııadaǵy Keńes áskerı tobynda qyzmet etýden bastady. Odan 1987 jyly Máskeýdegi M.­V.Frýn­ze atyndaǵy áskerı akademııany da oıdaǵydaı bitirip shyq­ty. Bir orynda turaqtap qalmaı únemi bilimin jetildirýdi ańsaıtyn jas talap 2008 jyly Máskeýdegi Reseı Federasııasy Qarýly Kúshteri Bas shtaby áskerı akademııasyn da úzdik bitirdi. Bul áskerı salada qyz­met atqaratyn kez kelgen ofı­serdiń ańsaıtyn armany. Demek, Bolat Baqytjan­uly­nyń áskerı qyzmetin saralaı kele, vzvod komandırinen Qa­zaqstan Respýblıkasy Qorǵa­nys mınıs­triniń orynbasaryna, leıtenanttan – general-leıte­nantqa deıin ósý kimge de bolsa ónege. Osynyń bar­lyǵy Bolattyń temirdeı tár­tipke bas ıip, áskerı jarǵy­lardy buljytpaı oryndaýy jaqsy azamat bolyp qalyp­tasýyna kómegin tıgizdi. Ke­ńes ókimeti tusyndaǵy qıyn ke­zeńde ishki ásker polk shtabyn basqaryp, Ferǵana oblysynda bolǵan jappaı keleń­sizdik­terdi boldyrmaýda qo­ǵamdyq tártipti ornatýǵa barynsha atsalysty. Osyndaı qym-qýyt áskerı ómir­men ǵy­lymdy sheber uıym­das­tyrǵan Bolat kan­dıdattyq dıssertasııasyn qor­­ǵady. Bunyń bári onyń ózin-ózi jetildirip, únemi izde­nýde jú­retindigin kórsetti.

Áskerı ómir er-jigitti patrıottyqqa tárbıelep, jas kúninen bastap, halyq aldyn­daǵy mindetin sezinýge múm­kindik berdi. Ol ataq-dańqqa, basqa da marapatqa da kende emes. Bolattyń barynsha qa­ra­paıymdylyǵymen kóregen­diligi, adamı qasıetimen bir­den adamdy baýrap alýy, parasatty tulǵasyn bıiktetken ústine bıiktete túsedi.

Abaı TASBOLATOV, Parlament Májilisiniń depýtaty, general-leıtenant.