Astanalyq «Barys» hokkeı klýbynyń Qurlyqtyq hokkeı lıgasynyń pleı-off kezeńinde Tómengi Novgorod qalasynyń «Torpedo» klýby qarsylas atandy.
«Barys» QHL-dyń Shyǵys konferensııasynyń ekinshi orynmen aıaqtaǵan bolatyn. Al «Torpedo» óz alańynda «Traktordan» aılasyn asyryp, 7-orynǵa taban tiredi. Osylaısha, eki klýb pleı-off kezeńinde bir-birine qarsylas atanbaq.
Pleı-off oıyndary 26 aqpanda bastalady. «Barys» áýeli elordada synǵa tússe, keıinnen syrtta oınaıdy. Kelesi kezeńge ótý úshin komandalar tórt oıynda jeńiske jetýi kerek. Alda-jalda komandalar 4 matchta jeńimpaz anyqtaı almasa, 6,8 jáne 10 naýryz kúnderi qosymsha oıyn ótkizedi.
Jalpy, «Torpedo» men «Barys» búginge deıin 24 márte kezdesken-di. Sonyń 13 oıynynda astanalyqtar basym tússe, qalǵanynda «Torpedonyń» baǵy janǵan.
Oıyndar kestesi:
26 jáne 28 aqpan – Astana, 19:30;
2 jáne 4 naýryz – Tómengi Novgorod,
Astana ýaqyty boıynsha 20:00 jáne 22:00
Tórt oıynnan keıin jeńimpaz anyqtalmaǵan jaǵdaıda.
6 naýryz – Astana, 19:30;
8 naýryz – Tómengi Novgorod, 20:00;
10 naýryz – Astana, 19:30;