Senbi, 19 mamyr 2012 8:09
Fransııa prezıdenti Fransýa Olland saılaý aldyndaǵy ýádesinde turyp, óz eńbekaqysyn 30 paıyzǵa qysqartty.
Jańa úkimettiń mınıstrleriniń eńbekaqylary da qysqaratyn boldy. Mundaı sheshim úkimettiń birinshi otyrysynda qabyldandy. Memleket basshysynyń ókili jáne áıelder quqyqtary jónindegi mınıstr Nadjat Vallo-Belkasemniń habarlaýynsha, bul maýsymdaǵy parlament saılaýynan soń arnaıy zań qabyldaýdy talap etedi. Zań qabyldanǵannan keıin prezıdent eńbekaqysy 21,3 myńnan 14,91 myń eýroǵa qysqarmaq. Al fransýzdyq 34 mınıstr aıyna 14,2 myńnyń ornyna 9,94 myń eýro eńbekaqy alatyn bolady.
Senbi, 19 mamyr 2012 8:09
Fransııa prezıdenti Fransýa Olland saılaý aldyndaǵy ýádesinde turyp, óz eńbekaqysyn 30 paıyzǵa qysqartty.
Jańa úkimettiń mınıstrleriniń eńbekaqylary da qysqaratyn boldy. Mundaı sheshim úkimettiń birinshi otyrysynda qabyldandy. Memleket basshysynyń ókili jáne áıelder quqyqtary jónindegi mınıstr Nadjat Vallo-Belkasemniń habarlaýynsha, bul maýsymdaǵy parlament saılaýynan soń arnaıy zań qabyldaýdy talap etedi. Zań qabyldanǵannan keıin prezıdent eńbekaqysy 21,3 myńnan 14,91 myń eýroǵa qysqarmaq. Al fransýzdyq 34 mınıstr aıyna 14,2 myńnyń ornyna 9,94 myń eýro eńbekaqy alatyn bolady.
Bas hatshy «Ál-kaıdany» aıyptady
BUU Bas hatshysy Pan Gı Mýn 10 mamyrda Damaskide oryn alǵan terakt úshin «Ál-Kaıdany» aıyptady.
Ol jarylystardy orasan zor, eleýli terrorlyq shabýyl dep atady. Sonymen birge, Pan Gı Mýn bul jarylystardyń artynda «Ál-Kaıdanyń» turǵanyna senimdi ekenin jetkizgen. Onyń aıtýynsha, oryn alǵan jáıt beıbitshilikti saqtaý isinde óte úlken problema týyndatyp otyr. Aıta ketý kerek, 10 mamyrda Damaskide bolǵan terakt saldarynan 55 adam qaza taýyp, 372 adam dene jaraqattaryn alǵan bolatyn.
Aq násildi náresteler azaıýda
AQSh-ta jańa dúnıege kelgen bóbekterdiń jartysynan astamy násildik jáne etnostyq turǵyda sany azdardyń úlesine tıesili bolyp shyqqan.
2011 jyldyń shildesine deıingi 12 aıda týǵan balalardyń 50,4 paıyzy afroamerıkalyqtar, latynamerıkalyqtar men azııalyqtar nemese aralas otbasylarda týǵandar bolyp tabylady. Muny elde ótken sońǵy halyq sanaǵy kórsetken. AQSh-ta bala týý bútindeı alǵanda tómendeý ústinde. Ásirese aq násildiler arasyndaǵy bala týý kórsetkishi tym tómendep ketken. Sosıologtardyń pikirinshe, oǵan ekonomıkanyń quldyraýy sebepker kórinedi.
Japonııa óz spýtnıgin ushyrdy
Japonııa alǵashqy sheteldik spýtnıktiń kommersııalyq ushýyn sátti júzege asyrdy.
Bul arqyly ol osy rynokta Eýroodaq pen Reseıge óziniń básekeles bolatynyn sezdirip otyr. N-2A zymyrany juma kúni jergilikti ýaqytpen 1 saǵat 39 mınýtte Japonııanyń ońtústigindegi Tanegasıma aralyndaǵy kosmodromnan ushyrylǵan. Ońtústik Koreıaǵa tıesili spýtnık Jer orbıtasyna japonııalyq úsh spýtnıkti alyp shyqqan kórinedi. Bul oqıǵa Japonııanyń kommersııalyq ushyrýlardy júzege asyratyn elder klýbyna qosylǵanyn kórsetip otyr.
Monarhtar Elızavetany quttyqtady
Álemniń búkil patshalyq qurýshy áýletteriniń ókilderi brıtan hanshaıymy Elızaveta-II-niń qala syrtyndaǵy rezıdensııasynda bas qosty.
Ondaǵy maqsat – hanshaıymdy onyń 60 jyl taqta otyrýymen quttyqtaý. О́z qonaqtarynyń qurmetine hanshaıym saltanatty túski as uıymdastyrsa, keshkisin Londondaǵy Býkıngem saraıynda monarhtarǵa taq murageri Ýels prınsi Charlz keshki as bermek. Qonaqtardyń naqty tizimi belgisiz. Degenmen, mereıtoıǵa álemniń 20-dan astam eliniń patshalyq qurýshy áýletteriniń ókilderi qatysatyny belgili bolyp otyr.
Isti qaraý keıinge qaldyryldy
Burynǵy Iýgoslavııa jónindegi halyqaralyq trıbýnal aıyptaýshy jaq jibergen qatelik saldarynan Ratko Mladıchke qatysty prosesti toqtatýǵa májbúr boldy.
Bosnıalyq serbter armııasynyń burynǵy komandashysy R.Mladıchke 1992-1995 jyldardaǵy daý-janjaldar kezinde áskerı qylmys jasady degen aıyp taǵylýda. Sot prosesi Gaagada aıyptaýshy jaqtyń sózimen bastalǵan bolatyn. Degenmen, prokýratýranyń qorǵaýshy jaqqa qajetti qujattardy ýaqytynda bermegeni belgili bolyp qalǵan. Sot prosesiniń belgisiz merzimge keıinge qaldyrylýyna da osy jáıt sebepker bolǵan kórinedi.
Karımov Sammıtke qatyspaıtyn boldy
О́zbekstan prezıdenti Islam Karımov AQSh-tyń Chıkago qalasynda ótetin NATO sammıtine qatyspaıtyn boldy.
Bul týraly juma kúni О́zbekstan prezıdenti baspasóz qyzmetiniń ókili habarlaǵan. Álemniń 60-tan astam memleketteriniń basshylary qatysatyn NATO sammıti 20-21 mamyrda Chıkagoda ótedi. Qazirgi ýaqytta sammıtke О́zbekstannan kimniń baratyndyǵy týraly másele qaralýda, dep atap kórsetken baspasóz qyzmetiniń ókili. Osy rette NATO bas hatshysynyń Qazaqstan, Qyrǵyzstan, Tájikstan jáne О́zbekstan prezıdentterine sammıtke qatysý jóninde alǵash ret óz atynan shaqyrý jibergenin de aıta ketý qajet.
Sý túbine ketken avtobýs
Vetnamda bolǵan qaıǵyly apattan ondaǵan adam qaza tapqan.
Jolaýshylar toly avtobýs qatty jyldamdyqpen kele jatyp kópir jaqtaýyna soǵylyp, odan ózenge qulap ketken kórinedi. 20 metr tereńdiktegi sý túbine ketken avtobýsta 60 jolaýshy bolǵan eken. Keminde 34 adamnyń qaza tapqany belgili bolyp otyr. Onyń syrtynda 21 adam dene jaraqattaryn alǵan. Olardyń 16-synyń jaǵdaıy óte aýyr. Jergilikti bılik apat sebepterin tergeýge kiristi.
Internet materıaldary negizinde ázirlendi.