Senbi, 8 qyrkúıek 2012 7:27
Prezıdent qylmyskerlerdi tabýǵa ýáde berdi
Fransııa prezıdenti Fransýa Olland Ansı kólinde oryn alǵanqylmysty ashý úshin qolda bar múmkindiktiń báriniń jasalatyndyǵynmálimdedi.
Senbi, 8 qyrkúıek 2012 7:27
Prezıdent qylmyskerlerdi tabýǵa ýáde berdi
Fransııa prezıdenti Fransýa Olland Ansı kólinde oryn alǵanqylmysty ashý úshin qolda bar múmkindiktiń báriniń jasalatyndyǵynmálimdedi.
Fransýz polısııasy Joǵarǵy Savoııa departamentindegi Ansı kólinde bolǵan 4 adamnyń ólimin tergeýdi odan ári jalǵastyrýda. Búginde qaza bolǵandardyń kim ekeni anyqtalyp otyr. Olar Sýrreı graftyǵyndaǵy Kleıgeıt eldi mekeninde turatyn otbasy músheleri bolyp shyqty. Oqıǵa 5 qyrkúıek kúni oryn alǵan bolatyn. Qaza bolǵandardyń janynan 1 velosıpedshiniń de múrdesi tabylǵan. Ol týraly qylmysqa kezdeısoq kýáger bolǵan adam degen boljam aıtylýda.
Romnıdiń áleýetine kúmán keltirdi
Demokratııalyq partııanyń sezinde sóılegen sózinde AQSh prezıdentiBarak Obama óz ákimshiliginiń Qytaıǵa qatysty saıasatyn qorǵap shyqty.
Sonymen birge, ol Respýblıkalyq partııadan prezıdenttikke kandıdat Mıtt Romnıdiń syrtqy saıasattaǵy áleýetine kúmán keltirdi. Obama óz ákimshiliginiń Qytaıdyń saýdada aınalysyp otyrǵan ádiletsiz tájirıbesine qarsy shyqqanyn málimdedi. Sonymen birge, ol AQSh-tyń Azııa-Tynyq muhıty óńirine erekshe nazar aýdaryp otyrǵanyna barynsha salmaq túsirýge tyrysty. Qytaıǵa qarsy qatań is-qımyldarǵa barýǵa ýáde bergenimen, Obama ol elge «valıýtalyq manıpýlıator» degen ataq tańýdan aýlaq ekenin de eskertti. Romnı sekildi Reseıdi jaý el dep eseptemeıtinin de qaperge saldy. «Bul – «qyrǵıqabaq soǵystan» qalǵan eski ustanym», dedi AQSh prezıdenti.
Astronavt rýhy muhıttan jaı tabady
Amerıkalyq astronavt Nıl Armstrongty sońǵy saparǵa flottyń dástúrlerine sáıkes shyǵaryp salmaq.
Aıdyń betine alǵash bolyp tabany tıgen ataqty astronavtyń sońǵy tilegi osyndaı bolǵan kórinedi. AQSh áskerı-teńiz flotynda adamdy bulaısha jerleý dástúrli ádet bolyp tabylady. Al Armstrongtyń 1949-4952 jyldary synaqshy-ushqysh bolyp qyzmet etkeni belgili. Bul dástúr boıynsha áskerı kater ashyq teńizge shyǵarylady, odan soń jarǵyǵa sáıkes, tabyt sýǵa salynady nemese kúli sý betine shashylady. Armstrongtyń esh dindi ustanbaǵanyna baılanysty eshqandaı dinı rásim bolmaıtyn kórinedi.
Qytaıda jer silkindi
Qytaıdyń ońtústik-batysynda bolǵan jer silkinisi qurbandarynyń sany 45 adamǵa deıin jetti, 150-den astam adam túrli dárejedegi dene jaraqattaryn alǵan.
Qytaı seısmologtary Iýnnan jáne Gýıdjoý provınsııalarynda jergilikti ýaqyt boıynsha shamamen 11.00-de eki birdeı jerasty dúmpýin tirkegen. Sonymen birge, bılik qurban bolǵandar sanynyń artýy múmkin ekendigin de aıtyp otyr. Qazirgi ýaqytta zilzaladan zardap shekken aýdandarǵa qutqarýshylar toby jóneltildi.
Germanııada ushaqtar ushpaı tur
Nemistiń Lufthansa áýe kompanııasynyń stıýardessalary men basqa da qyzmetshileriniń kezekti 24 saǵattyq ereýili álemniń kóptegen áýejaılarynyń jumysyna keri áser etip otyr.
Jergilikti DPA aqparat agenttiginiń málimetteri boıynsha, josparlanǵan myńdaǵan reıstiń 1800-i ushpaıtyn bolǵan nemese basqa ýaqyttarǵa aýystyrylǵan. 13 aı qatarynan áýe kompanııasy kásipodaqtary úsh jyl boıy ósirilmegen eńbekaqyny kóterý jóninde Lufthansa basshylyǵymen nátıjesiz kelissózder júrgizgen bolatyn. О́tken aptada qarsylyq aksııasyn ótkizý jóninde sheshim qabyldandy. Maındaǵy Frankfýrtta ótken aksııaǵa Berlın men Mıýnhen de qosylyp otyr.
Sýǵa batqan bosqyndar izdestirilýde
6 qyrkúıek kúni keshkilik Italııanyń Lampedýza aralynyń mańaıynda Týnısten shyqqan bosqyndar otyrǵan keme sýǵa batyp ketken.
7 qyrkúıek kúni tańerteń 54 adamdy tabýdyń sáti túsken kórinedi. Keme bortynda naqty qansha adamnyń bolǵany belgisiz. Aman qalǵan bosqyndardyń aıtýynsha, olardyń sany 100-den astam, bálkim, 150-ge jýyq bolǵan syńaıly. Olar Italııaǵa eski aǵash kemege otyryp júzip jetpek bolǵan eken. Qazirgi kezde bosqyndardy Italııanyń jaǵalaý kúzeti izdestirýde.
Para konverttegi aqsha ǵana emes
Reseı bas prokýratýrasy «para» degen uǵymdy naqtylaıtyn zań jobasyn ázirleýde.
Eger búginde para dep konverttegi aqsha, qymbat konıak jáne basqalar sııaqty materıaldyq ıgilikti ataıtyn bolsa, endigi jerde rynoktyq baǵasyn belgileý múmkin emes kez kelgen materıaldyq emes múliktiń de, máselen, baspasózdegi madaq sózder, qyzmet boıynsha joǵarylaý nemese jumys babynda múmkindikter týǵyzý, dıplomdar berý, taǵy sol sııaqtylardyń para retinde kórinis tabýy múmkin. Zań jobasynyń Dýmaǵa kelip túsetin merzimi týraly ázirge habarlanǵan joq.
Internet materıaldary negizinde ázirlendi.