Bıyl qys jyly bolyp, ótken jyldyń qarasha aıynyń sońynda seń júrý baıqalǵan. Osyǵan baılanysty departament tarapynan is-sharalar jospary bekitilgen.
Iаǵnı, sý tasqynynyń aldyn alý baǵytyn qalyptastyrý, sýdy oblys aýmaǵyndaǵy Syrdarııa ózenimen qaýipsiz ótkizý maqsatynda "Kazgıdromet" RMK jáne "Qazsýshar" RMK Qyzylorda oblysy boıynsha fılıaldarynan ózendegi sýdyń deńgeıi men aýa raıy týraly kúndelikti aqparattar alynyp, Syrdarııa ózenine monıtorıng jumystary júrgizilip otyr.
Qyzylorda qalasy men aýdandarda tasqyn sý kezeńinde 156 myńǵa jýyq adamdy kóshirýge arnalǵan 79 evakýasııalyq jınaqtaý jáne 99 qabyldaý pýnkti daıyndyqqa keltirildi.
Qala, aýdan ákimdikteriniń málimeti boıynsha sý tasqynyna qarsy sharalarǵa materıaldyq-tehnıkalyq qor 141,8 tonna janar-jaǵar maı, 156 000 dana qap, 16 960 baý qamys, 6 550 dana pashyn, 4 455 qarabýra, 287 tonna qoıtas t.b. qajetti materıaldar qorlary jasaqtaldy.
Oblys boıynsha 2018-2019 j.j. qysqy-kóktemgi sý tasqynyna qarsy sharalarǵa qatystyrylatyn kúshter men quraldardyń quramy: 1081 adam, 361 birlik tehnıka, 75 sý sorý motopompasy jáne 2 tikushaq birligin qurady.
Onyń ishinde Qyzylorda oblysynyń Tótenshe jaǵdaılar departamentinen 117 jeke quram, 18 tehnıka, 10 júzý quraldary men motopompa daıyndyqqa keltirildi.
Qyzylorda oblysy.