Mamandardyń sózinshe, tekseris qaǵazynda 13 tarmaq bar.
«Onyń eń negizgilerin atap óter bolsaq, joldar men jol jıekterine, trotýar men aryqtardyń tazalyǵyna, qoqys tógetin alańdarǵa asa mán beriledi. Sebebi qys boıy qaraýsyz qalǵan mańdarǵa qoqys jınalyp qaldy. Osy baǵyttar boıynsha apta saıyn aýdandardy aralaıtyn bolamyz. Aǵashtardy sanıtarlyq kesý jumystary men ózen arnalaryna da jiti nazar aýdaramyz», – deıdi Almaty qalasy Jasyl ekonomıka basqarmasynyń bas mamany Aleksandr Sergeev.
Arnaýly mamandar tekseris nátıjesinde anyqtalǵan las jerlerdiń tizimin ákimdiktegilerge jiberip otyrmaq. Endi aýdan basshylary jerasty jáne jerústi ótkelderi men jónsiz jarnamalar jarııalanǵan aıaldamalar úshin de jaýap beretin bolady.
Almaty Ortalyq Azııadaǵy eń kógaldy qalalardyń tiziminde. Qazirgi tańda megapolıs aýmaǵyn abattandyrý jumystary qarqyndy júrip jatyr.