Kezdesý barysynda taraptar qazirgi qalyptasqan jaǵdaı týraly aqparat almasty jáne temirjol kóligi salasyndaǵy yńtymaqtastyqty odan ary damytý jaıyn ortaǵa saldy.
2018 jyly QR men QHR arasyndaǵy tasymal kólemi 14 mln. tonna shamasynda bolyp, 2017 jylǵa qaraǵanda 38% artyq boldy. Aǵymdaǵy jyldyń 3 aıynda 3,6 mln. tonna tasymaldansa, bul ótken jyldyń sáıkes kezeńimen salystyrǵanda 25% artyq.
О́tken jyly eki eldiń shekaralyq ótpeleri arqyly konteınerlik tasymal kólemi 593,7 myń JFB (jıyrmafýnttyq balamasy) jetse, bul 2017 jylǵa qaraǵanda 4% kóp. Aǵymdaǵy jyldyń 2 aıynda konteınerlik tasymal 103662 JFB bolyp, bul ótken jyldyń sáıkes kezeńimen salystyrǵanda 36% óskendigin kórsetken.
Kezdesý barysynda Qytaı-Reseı, Aýǵanstan, Ortalyq Azııa elderi, Qytaı-Qapqaz/Túrkııa (Eýropa), Qytaı-Iran baǵyttaryna konteınerlerdi tartý jónindegi ýaǵdalastyqqa qol jetkizildi.
2019 jyldyń ekinshi toqsanynda Alashankoý – Dostyq, Qorǵas – Altynkól memleketaralyq túıispe pýnktteri arqyly QHR-dan QR jáne kerisinshe qatynaıtyn konteınerler men vagondardaǵy júkter jónindegi elektrondyq málimetter almasýdy uıymdastyrý josparlanyp otyr.
Sondaı-aq kelissózder barysynda qazaqstandyq astyqty arnaıy vagondarmen qos dóńgelegin aýystyryp Ýsı stansııasyna deıin, sısternalarmen ósimdik maıyn qos dóńgelekterin aýystyryp Dostyq stansııasy boıynsha temir rýdasy men koksty qos dóńgelekterdi almastyra otyryp Bagan mettalýrgııa zaýytyna, qytaılyq tank-konteınerler jáne sısternalarmen syǵymdalǵan gaz tasymaldaryn uıymdastyrý máseleleri talqylandy.
Kelissóz qorytyndysy boıynsha tıisti Hattamaǵa qol qoıyldy.