«Iranmen Qazaqstannan sıyr etin, usaq maldyń sýbónimderin, taǵamdyq jumyrtqany, soıýǵa arnalǵan maldy eksporttaýǵa qoıylatyn veterınarııalyq talaptar kelisildi. Saýd Arabııasy Koroldigimen iri qara jáne usaq maldardy soıý jáne ósirý úshin eksporttaýǵa arnalǵan veterınarııalyq sertıfıkat kelisildi. Bahreınge sıyr eti men qoı etin eksporttaý júzege asyrylýda. Qazirgi ýaqytta Qytaımen shoshqa eti boıynsha veterınarııalyq talaptar, Omanmen sıyr eti men qoı etine, tiri iri qara malǵa arnalǵan veterınarııalyq sertıfıkat kelisilýde», dedi Aýyl sharýashylyǵy mınıstri Saparhan Omarov.
Sonymen qatar Mınıstr bıylǵy jyldyń basynda Qazaqstan shoshqanyń afrıkalyq obasy boıynsha salamatty el mártebesin alǵanyn erekshe atap ótti.
«HEB-pen Fransııada veterınarııa mamandaryn oqytý boıynsha, qazaqstandyq zerthananyń Ortalyq Azııa elderi úshin usaq kúıis qaıyratyn maldyń obasy boıynsha HEB referenttik zerthanasy mártebesin alýy boıynsha, brýsellez jáne leıkozǵa qarsy yntymaqtastyq jasasý boıynsha jumys jalǵasýda», dedi Mınıstr.
«Zańnamalyq negizde veterınarııalyq baqylaý men qadaǵalaýdyń biryńǵaı júıesin qurý, jergilikti atqarýshy organdarda veterınarııalyq qyzmet vertıkalin qurý, janýarlar men ónimderdiń ornyn aýystyrýdy baqylaý úshin mobıldi beketter qurý, úshinshi elderdiń Tizilimine engizý úshin qazaqstandyq kásiporyndarǵa júrgiziletin ınspeksııalardy bıýdjet qarajaty esebinen qarjylandyrý kózdeledi», dedi Mınıstr Úkimet otyrysynda.