«Elbasymyzdyń 2018 jylǵy 5 qazandaǵy Joldaýyn iske asyrý maqsatynda Mınıstrlik Qazaqstan Respýblıkasynda alǵashqy medısınalyq kómekti damytýdyń 2019-2020 jyldarǵa arnalǵan is-sharalar josparyn bekitti», dedi Eljan Birtanov.
Birinshiden, qoljetimdilikti arttyrý maqsatynda alǵashqy medısınalyq kómek dárigeriniń júktemesin tómendetý jáne 1 obektige keletin ýchaskeler sanyn 20-dan 10-ǵa deıin azaıtý josparlanyp otyr. Ekinshiden, alǵashqy medısınalyq kómek sapasyn jaqsartý maqsatynda sozylmaly aýrýlardy basqarý baǵdarlamasyn keńeıtý jáne ýchaskelik qyzmetkerlerdiń jalaqysyn kezeń-kezeńmen 20%-ǵa deıin ulǵaıtý josparlanýda. Memleket Basshysynyń tapsyrmasyna sáıkes 2019 jyldyń 1 maýsymynan bastap jalaqysy tómen medısınalyq qyzmetkerlerdiń tólemaqysy 30 paıyzǵa artady. Úshinshiden, barlyq alǵashqy medısına uıymdarynda aqparattyq júıe engizilip jáne azamattardyń elektrondyq densaýlyq pasporttary jasalady, dedi Mınıstr baıandamasynda.