Jańa formattaǵy ataýly áleýmettik kómek taǵaıyndaýdyń alǵashqy kúni 1 myńnan astam adam ótinish bildirse, ekinshi kúni 800-ge jýyq adam ótinish berdi, dep habarlaıdy Nur-Sultan ákimdiginiń resmı saıty.
Onyń ishinde 128 adam avtomatty túrde AÁK alýshy bolyp tabylady.
«Ázirge ótinimderdi qabyldaımyz, sodan keıin olardy óńdeımiz. Budan ári bul tizimdi ýchaskelik komıssııaǵa beremiz. Olar turǵyn úı jaǵdaılaryn tekseredi, sodan keıin AÁK taǵaıyndaý týraly anyqtama beriledi. Osynyń barlyǵy artyq degende 5 jumys kúni ishinde isteledi», – dep málimdedi qala ákimdigi jumyspen qamtý jáne áleýmettik qorǵaý basqarmasynyń baspasóz qyzmetinde.