Kadrlyq áleýettiń deńgeıi artady

Senbi, 14 sáýir 2012 7:43

Memlekettik qurylystyń turaqty­lyǵy men qaýipsizdigin qamtamasyz etý el damýy­nyń barlyq kezeńinde asa jaýapty is. Bul oraıda, Memleket basshysy júrgizip otyr­ǵan quqyq qorǵaý júıesin reformalaý osy maqsattyń mańyzdylyǵyn aıqyndaıdy. Qazaqstan Respýblıkasynyń Prezıdenti N.Nazarbaevtyń bıylǵy Joldaýynda qoı­yl­ǵan mindetterdi iske asyrý sheńberinde, Elbasynyń kúni keshegi «Qa­zaq­stan Respýb­lı­kasy quqyq qorǵaý or­gandarynyń qyz­met­kerlerin kezekten tys attestattaýdan ótkizý týraly» Jarlyǵy bul turǵydaǵy sheshýshi qadamdardyń bas­tal­ǵanyn bildiredi. Endeshe polısııa qyz­metkerleriniń ǵana emes, búkil qoǵam mú­she­­leriniń kóńilinen shyqqan qujat salalyq ózgeristerge serpindilik ákeletini sózsiz.

Senbi, 14 sáýir 2012 7:43

Memlekettik qurylystyń turaqty­lyǵy men qaýipsizdigin qamtamasyz etý el damýy­nyń barlyq kezeńinde asa jaýapty is. Bul oraıda, Memleket basshysy júrgizip otyr­ǵan quqyq qorǵaý júıesin reformalaý osy maqsattyń mańyzdylyǵyn aıqyndaıdy. Qazaqstan Respýblıkasynyń Prezıdenti N.Nazarbaevtyń bıylǵy Joldaýynda qoı­yl­ǵan mindetterdi iske asyrý sheńberinde, Elbasynyń kúni keshegi «Qa­zaq­stan Respýb­lı­kasy quqyq qorǵaý or­gandarynyń qyz­met­kerlerin kezekten tys attestattaýdan ótkizý týraly» Jarlyǵy bul turǵydaǵy sheshýshi qadamdardyń bas­tal­ǵanyn bildiredi. Endeshe polısııa qyz­metkerleriniń ǵana emes, búkil qoǵam mú­she­­leriniń kóńilinen shyqqan qujat salalyq ózgeristerge serpindilik ákeletini sózsiz.

Mine, soǵan oraı, bul kúnderi Aqmola oblystyq ishki ister departamentiniń kadrlyq qyzmeti qaýyrt jumystar qusha­ǵyn­da. Bar­lyq qurylymdyq júıelerde Jarlyq mátini men Erejelerin túsindirý, ony júzege asyrý boıynsha jumys organdary quryldy. Qazir departament shtatynda úsh myńnan as­tam adam bar. Kadrlardy irikteý júıesin jeti­l­dirý, olardy ornalastyrý, jeke quram­dy oqytý men qaıta daıarlyqtan ótkizý, aınalyp kelgende, sapa­lyq quramdy qamtamasyz etý kún tártibinen túspeıtin dástúrli isimiz. Osy oraıda, jyl ishinde qatarymyzǵa 114 jas qyzmetker qosylǵanyn, taǵy da 25 kýr­sant­ty arnaıy joldamamen kútip otyrǵany­myz­dy aıtqym keledi. Iаǵnı, qatarymyz jyl sanap jasara túsýde.

Polısııa qataryna konkýrstyq tártippen qabyldaý bizge erkin irikteý múmkindigin berip otyr. Al basshy quramǵa 200-den astam qyzmetker úmitker retinde tirkelgen. Olar kásibı jáne uıymdas­tyrýshylyq qabiletimen tanylǵan jandar. Sondaı-aq, bizge departamenttegi ardagerler keńesi, ofıserlik jáne polısııalyq jınalystar kezekten tys attestattaýdan ótkizýde úlken kómekshi bolatynyna sene­miz. Bul belsendi qoǵamdyq uıymdar byltyr 123 ofıserlik jáne 112 polısııalyq jıyndardy ótkizýge uıtqy boldy. Onda qyzmettik-áskerı tár­tipti buzýǵa qatysty 114 tártiptik másele qaralyp, 45 qyzmetker ákimshilik jaýap­kershilikke tartyldy. Ishki ister depar­ta­mentindegi tártip­tik keńestiń 14 máji­lisinde 23 másele qaralyp, sybaı­lastyq kórinistegi áreket­teri úshin 8 adam qyz­metinen bosatyldy. Osy mysaldardyń ózi Elbasy Jarlyǵyna saı ótkiziletin kezekten tys attestattaý talap deńgeıinde júrgiziletinin kórsetedi.

Meıram ÁBIKEEV, Aqmola oblystyq IID bastyǵynyń orynbasary, polısııa polkovnıgi.

KО́KShETAÝ.