Taılandtyń Satýn qalasynda jaǵajaı voleıbolynan erler arasyndaǵy birinshi álemdik týr oıyndary ótýde. Atalǵan synǵa Qazaqstan komandasynyń sportshylary da qatysyp jatyr dep habarlaıdy Olympic.kz.
Toptyq kezeńde Oleksandr Dıachenko men Alekseı Sıdorenko juby avstrııalyq qarsylastaryn 2:1 esebimen jeńdi (21:7;31:33;15:13).
Atalǵan jup ekinshi oıynda ýkraınalyq qarsylastary Emelıanchýk pen Denıskenony 2:0 esebimen tize búktirdi (27:25; 21:14).
Al Qazaqstan atynan synǵa túsken Dmıtrıı Iаkovlev pen Sergeı Bogatý juby birinshi kezdesýde Vengrııa komandasy 1:2 esebimen jol berip, ekinshi oıynda Taıpeı komandasynan basym tústi.
Osylaısha, eki qazaqstandyq jup toptyq kezeńnen súrinbeı ótti. Erteń bizdiń sportshylar ózge topta qara úzip shyqqan komandalarmen kezdesedi. Jerebe tartý rásimi búgin keshke josparlanǵan.