6-7 sáýir kúnderi Lınıanoda (Italııa) dzıýdodan jastar arasyndaǵy Eýropa kýbogi máresine jetti. Qazaqstan jastar quramasy 1 altyn, 1 kúmis, 1 qola medalmen jalpy esepte úzdik tórttikke endi dep habarlaıdy Olympic.kz
Jarystyń birinshi kúninde 48 kelige deıingi salmaqta fınalǵa qazaqstandyq qos dzıýdoshymyz shyqty. Ǵalııa Tynbaeva men Aqmaral Naýatbek arasyndaǵy tartysty báseke qosymsha ýaqytta Ǵalııa Tynbaevanyń jeńisimen aıaqtaldy. Nátıjesinde, Ǵalııa Tynbaeva altynnan alqa taqsa, Aqmaral Naýatbek kúmisti mise tutty.
Sondaı-aq, 70 kelige deıingi salmaqta synǵa túsken otandasymyz Móldir Narynova el qorjynyn qola júldemen tolyqtyrdy. 52 kelige deıingi salmaqta kúresken Aqmaral Ernazar jartylaı fınalǵa deıin qarsylas shaq keltirmegenimen, sheshýshi sátte qarsylastaryna ese jiberip, kýboktik dodany 5-shi orynmen aıaqtady.