Otannyń tynyshtyǵy saqtalyp, berekeli elge aınaldy. Osyndaı beıbit te, mamyrajaı halqymyz úshin Elbasymyz Nursultan Nazarbaevtyń prezıdenttikten bas tartý týraly qabyldaǵan tarıhı sheshimi kóńildi alańdatyp, oıǵa salǵandaı boldy. Soǵan qaramastan bıliktiń beıbit jolmen aýysyp, kópke úlgi bola alǵany qanshama jas býynnyń rýhyn oıatty. Ýaqytsha Prezıdent retinde Qasym-Jomart Toqaevty tańdaý – eldegi saıasattyń sátti sabaqtastyǵy ispetti bolyp otyr.
Sondaı-aq kóp uzamaı Memleket basshysy Qasym-Jomart Toqaevtyń elimizde kezekten tys prezıdenttik saılaý ótkizý týraly qabyldaǵan sheshimin óte oryndy dep sanaımyn. О́ıtkeni ótpeli kezeńde bir sheshimge toqtalyp, ishki jáne syrtqy saıasat úshin tolyq senim arqalaı alatyndaı ókilettilikke ıe Prezıdent anyqtalǵany jón. Prezıdentke qoǵam tarapynan bildirilgen senim deńgeıin arttyryp, halyqtyń ózin qaýipsiz erkin sezinýin qalyptastyrýymyz kerek. Elimizdiń qaýipsizdigi men beıbit eldiń amandyǵy qashanda kún tártibindegi ózekti másele bolyp qala beredi. Strategııalyq mańyzy bar jobalar men kún tártibinde ornalasqan áleýmettik-ekonomıkalyq máselelerdi júzege asyrý da bılik aýysymyna tikeleı baılanysty.
Naqtylyq pen turaqtylyq qoǵamnyń basty suranysy ekeni anyq. Bul rette Qazaqstan halqy óz tańdaýyn laıyqty túrde jasaıdy dep senemin.
Abaı Tasbolatov,
Qazaqstan Respýblıkasy Parlamenti Májilisiniń depýtaty, general-leıtenant