Medısınalyq uıymdardyń basshylary azamattardy apta saıyn seısenbi kúni jeke qabyldaıdy, dep habarlaıdy Nur-Sultan ákimdiginiń resmı saıty.
«Medısınalyq qyzmet kórsetý sapasyn jaqsartý, pasıenttermen keri baılanys ornatý maqsatynda, densaýlyq saqtaýǵa qatysty týyndaǵan máselelerdi sheshý úshin apta saıyn seısenbi kúni saǵat 11:00-den 13:00-ge deıin medısınalyq uıymdar bas dárigerleriniń azamattardy biryńǵaı qabyldaýy uıymdastyryldy», – dep málimdedi elordalyq qoǵamdyq densaýlyq saqtaý basqarmasynda.
Azamattardy tolyq qabyldaý kestesi ákimdiktiń saıtynda jarııalanǵan.
Tizimde qalalyq aýrýhanalar, emhanalar, perınataldyq ortalyqtar, dıspanserler, medısınalyq ortalyqtar jáne t.b bar.
Qoǵamdyq densaýlyq saqtaý basqarmasynyń basshysy da turǵyndardy apta saıyn sársenbi kúni saǵat 17:00-den 19:00-ge deıin qabyldaıdy. 55-69-85 nómiri boıynsha aldyn ala jazylýǵa bolady.