1999 jyldan bastaý alǵan, oblys kóleminde dástúrge aınalǵan oblystyq «Boztorǵaı» konkýrsy bıyl 21 márte uıymdastyrylyp jatyr.
Osy ýaqyt aralyǵynda Syr elinen shyqqan kóptegen jeke oryndaýshylar men bı toptary baıqaý laýreattary atanyp, kópshiligi álemdik sahnalarda óner kórsetip, Syr eliniń dańqyn álemge pash etýde.
Bıylǵy oblystyq baıqaýǵa án, horeografııa, aspapta oınaý, halyqtyq oryndaý jáne kórkemsóz oqý janrlary boıynsha 500-ge tarta ónerpaz qatysyp, ónerlerin ortaǵa salady. Oblystyń barlyq aýdandary men Qyzylorda, Baıqońyr qalalarynan baıqaýdyń irikteý kezeńine 1000-ǵa tarta talapkerler qatysty.
Baıqaýdyń bıylǵy ereksheligi aspaptyq ansamblder men jeke aspapta oryndaýshylar bólek-bólek marapattalady.
Baıqaýǵa kásibı mamandardan quralǵan óner ıeleri qazylyq etetin bolady.