«Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýsııalyq zańynyń 12-baby 5) tarmaqshasyna sáıkes Qazaqstan Respýblıkasy Ortalyq saılaý komıssııasy QAÝLY ETEDI:
1. 2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyna daıyndyq kezeńinde saılaý komıssııalarynyń múshelerin jáne saılaý prosesiniń basqa da qatysýshylaryn oqytýdy uıymdastyrý jospary osy qaýlyǵa 1-qosymshaǵa sáıkes bekitilsin.
2. Ádistemelik quraldar men aqparattyq-túsindirmelik materıaldar osy qaýlyǵa 2-qosymshaǵa sáıkes bekitilsin.
3. Qazaqstan Respýblıkasy Ortalyq saılaý komıssııasy apparatynyń elektorattyq oqytýdy uıymdastyrý jáne saılaý prosesin uıymdastyrý bólimderi oblystardyń, Nur-Sultan, Almaty, Shymkent qalalarynyń aýmaqtyq saılaý komıssııalarymen birlesip:
saılaý komıssııalarynyń múshelerin jáne saılaý prosesiniń basqa da qatysýshylaryn oqytýdy uıymdastyrý men ótkizýdi oqytý kezeńderiniń merzimderin saqtap, oqytýdyń sapasyn jáne saılaýdy uıymdastyrýshylardyń barynsha qamtylýyn qamtamasyz ete otyryp jalǵastyrsyn;
saılaýdy uıymdastyrýshylardy oqytýdy uıymdastyrý úshin aýmaqtyq jáne ýchaskelik saılaý komıssııalaryn oqý-ádistemelik bazamen qamtamasyz etsin.
4. Oblystardyń, Nur-Sultan, Almaty, Shymkent qalalarynyń ákimderine qajet kezde Qazaqstan Respýblıkasy Prezıdentiniń kezekten tys saılaýyn ótkizý sheńberinde oqytylatyndardyń sanyna saı barlyq deńgeılerdegi saılaý komıssııalarynyń múshelerin oqytýdy uıymdastyrýǵa qosymsha qarajat bólý máselesin qarastyrý usynylsyn.
5. Osy qaýly buqaralyq aqparat quraldarynda jarııalansyn.
6. Osy qaýlynyń oryndalýyn baqylaý Qazaqstan Respýblıkasy Ortalyq saılaý komıssııasynyń hatshysy S.S. Mustafınaǵa júktelsin.
Tóraǵa B. Imashev