Zań jobasyna depýtattar toby bastamashy boldy. Atalǵan zań jobasy Elbasynyń Qazaqstan halqyna Joldaýlarynda aıtylǵan, memlekettik qyzmetter kórsetý máselesinde «bir tereze» qaǵıdatynan «bir ótinish» qaǵıdatyna kóshý, memlekettik qyzmetterdi elektrondyq formatqa aýystyrýdy ústimizdegi jylda - 80 paıyzǵa, kelesi jyly ony taǵy 10 paıyzǵa kóbeıtý jónindegi, sondaı-aq «Memlekettik kórsetiletin qyzmetter týraly» Zańdy jańartý qajettigi turǵysyndaǵy tapsyrmalaryn iske asyrý maqsatynda ázirlendi.
Osy oraıda Májilis depýtaty Maıra Aısına zań jobasynyń negizgi tustaryna toqtaldy.
«Birinshiden, búgingi tańda adamdar tirkelgen jerine baılanǵannan keıbir qyzmetterdi ózine yńǵaıly etip almaıdy. Osyǵan baılanysty, azamattyq hal aktilerin tirkeýdiń barlyq jeti túri boıynsha qyzmet kórsetýdiń eksaýmaqtyq qaǵıdatyn engizý turǵysynda túzetýler engizilip otyr. Bul qaǵıdatty engizý arqyly azamattyń ótinishti turǵylyqty jeri boıynsha berýi mindetti emes. О́z qalaýy boıynsha Qazaqstan aýmaǵyndaǵy kez kelgen tirkeýshi organǵa bere alady. Bul bala týý, neke qııý nemese ony buzýdy, adamnyń qaıtys bolýy týraly, atyn jáne tegin ózgertýdi, asyrap alýdy, áke bolýdy anyqtaýdy tirkeýge baılanysty», - dedi M. Aısına.