«Bıylǵy maýsym biz úshin uzaqqa sozylady. Solardyń eń alǵashqysy – Katarda ótetin Azııa chempıonaty. Búginde daıyndyq jospar boıynsha ótip jatyr. Túrkııadaǵy oqý-jattyǵý jıynynan keıin birden jarysqa bet alamysh. Meniń eń negizgi mindetim – sekirý barysynda qatelik jibermeý. Bıyl men úshin ashyq aspan astyndaǵy jarys erte bastalǵaly tur. Maýsymdy dál osylaı erte bastamaǵanyma kóp ýaqyt ótipti. Sondyqtan, bul chempıonat daıyndyqtyń qalaı ótkenin baǵamdaıdy. Álem chempıonatyna qatysý normatıvin ótken jyly oryndap qoıǵanmyn. Sol sebepti, buǵan aıtarlyqtaı kóńil bólgen emespin. Azııa oıyndaryndaǵy altyn medal álemdik synǵa tikeleı joldama berdi. Degenmen, álem chempıonatyn qabyldaıtyn stadıonnyń rýhyn seziný úlken kúsh beredi», - deıdi sportshy.
Rypakova qurlyq chempıonatynda tek qana úsh qarǵyp sekirýden baq synaıdy.
«Alǵashynda uzyndyqqa sekirý synyna qatysý týraly oıym bolǵan. Keıin jarys kestesine kóz júgirtip, bul sheshimnen bas tarttym. О́ıtkeni, uzyndyqqa sekirý saıysy meniń negizgi jarysym – úsh qarǵyp sekirýden buryn ótedi. Sondyqtan, ózimniń basty básekeme alańsyz daıyndalǵan durys degen sheshimge keldim. Bul jarys negizinen synaqtyq kezeń. Qanshalyqty babymda ekenimdi kórsetedi. Aıtarlyqtaı joǵary nátıje bolmaıtyn sııaqty», - deıdi 2012 jylǵy Olımpıada chempıony.
Aıta ketelik, Azııa chempıonatynda qazaqstandyq 25 atlet baq synaıdy. Bas bapker Grıgorıı Egorov bizdiń sportshylardyń 3 altyn alatyn múmkindigi bar ekenin málimdedi.