Elordanyń jylý elektr ortalyǵy «№1 qoımasyna kómirdi túsirýdiń TK (taspaly konveıer) №6 st.jáne №8 st. teleskoptyq túsirgishteri men túsirý toraptarynda shań basý jáne aspırasııa júıesin jańǵyrtý» jobasyn júzege asyrdy.
«Astana-Energııa» AQ habarlaıýynsha, 2018 jyldyń maýsym-qyrkúıeginde №6 st. TK, №1 jáne №2 stansııalarda eki túsirgish ornatyldy. 2018 jyldyń qazan aıynan 2019 jyldyń naýryz aıyna deıin sol konveıerge taǵy eki túsirgish ornatyldy. Sonymen birge, 2018 jyldyń jeltoqsanynda «Astana qalasynda JEO-1 qaıta qurý. Túzetý jasaý» jobasy boıynsha jańadan salynǵan TK-8, shańdy basýdyń uqsas júıesi bar taǵy eki teleskoptyq túsirgishteri quryldy.
Bul jańashyldyq ashyq qoımaǵa túsirilgen kómirdi tapsyrý kezinde shańnyń paıda bolýyn aıtarlyqtaı azaıtady. Eskirgen túsirgishterdi zamanaýı shańdy basatyn qurylǵymen almastyrý jabdyqty jańǵyrtý aıasynda júzege asty.
Eskirgen túsirgishterdiń «shańnan qorǵaıtyn qońyraýy» bolǵan joq jáne ony kóterý tıimdi jáne senimdi avtomattandyrý júıesimen júzege asyrylmady. Osynyń saldarynan teleskoptyq qubyrdyń tómengi bóligi men kómirdiń úımesi arasynda únemi sańylaý boldy. Bul materıaldyń erkin túsý aımaǵynyń paıda bolýyna jáne atmosferaǵa kómir shańynyń bólinýine, sonymen qatar, kómir kesekteriniń shashylýyna ákeletin. Budan basqa, túsirgishter shetki tómengi qalypta, 1,5 m qashyqtyqta nóldik belgige jetpegen, sonymen qatar qarqyndy shańdanýǵa sebep boldy.
Jańa túsirgishterdiń tómengi bóligi «shańnan qorǵaıtyn qońyraýmen» jabdyqtalǵan. Onyń shań ótkizbeıtin «beldemshesi», ıaǵnı, shańnan qorǵaıtyn qońyraýlardyń tómengi bóligine bekitilgen rezeńke jolaqtary bar.
Shań ótkizbeıtin qońyraý materıal deńgeıiniń datchıgimen jabdyqtalǵan. Ol jumys aımaqtarynda kómir shańynyń shoǵyrlanýyn tómendetý úshin qońyraýdy kómir deńgeıimen bir mezgilde avtomatty jáne birsaryndy kóteredi.
О́ndiristik obektilerge qoıylatyn sanıtarlyq-epıdemıologııalyq talaptarǵa sáıkes, soqalyq túsirgishterdiń jabyndarynda súzgish qondyrǵylaryn ornatý qarastyrylǵan.
Soqaly túsirgishterdiń shań ótkizbeıtin jabyndary men aýany shańnan tazartýǵa arnalǵan jabyn astyndaǵy ornalasqan kartrıdj súzgileri, engiziletin jabdyq kesheniniń ajyramas bóligi – iske asyrylatyn aspırasııalyq qondyrǵylar. Olar atalǵan torap aýmaǵynda aýany shańnan tazalaý úshin paıdalanylady. Súzgilermen jumys isteıtin aspırasııalyq qondyrǵylar aýany tazartýdyń joǵary dárejesi bar avtomatty jabdyq bolyp tabylady. Osy shań basý júıesi JEO-1 aýmaǵynda ekologııalyq jaǵdaıdy jáne JEO-1 qyzmetkerleriniń sanıtarlyq-eńbek jaǵdaılaryn jaqsartady.